Navenda Ragihandin û Çapemeniyê ya HPG’ê li ser çalakiyên gerîla yên li Colemêrgê û êrîşên hewayî yên li dijî Herêmên Parastinê yên Medyayê daxuyaniyeke nivîskî weşand.
Di daxuyaniyê de ev agahî hatin dayin:
“Di çarçoveya Pêngava Şoreşgerî ya Şehîd Agirî û Şehîd Pîroz de hêzên me li Colemêrgê li dijî artêşa TC a dagirker çalakî kirin.
16’ê Hezîranê saet 23:30’î hêzên me li dagirkerên liser girê Xeregolê yê li navçeya Çelê xistin. Derbên giran li çeperên dijmin hatin xistin.
17’ê Hezîranê saet 18:00, hêzên me yên YJA Starê li girekî dijmin xistin ku ewlekariya qereqola Bezelê ya navçeya Şemzînanê dikir. Ji sê baskan ve gule li çeper û stargehên dijmin hatin reşandin.
Balafirên şer ên artêşa TC a dagirker roja 16’ê Hezîranê saet 23’an derdora gundê Çemço yê herêma Zapê ya Herêmên Parastinê yên Medyayê, 17’ê Hezîranê piştî nîvro jî qada Adilbeg a herêma Avaşînê bombe kirin.
Di van êrîşên berfireh de yên li dijî Herêmên Parastinê yên Medyayê, hêzên me yên gerîla ti windahî nedane. Dewleta TC a dagirker timî Qendîlê di rojevê de dihêle û bi rêya medya alîgirê xwe di çarçoveya propaganda şerê taybet de îdîa dike ku gerîla windahî dane. Nûçeyên bi vî rengî ne rast in. dike. Bila gelê me bi nûçeyên derewîn ên desthilatdariya faşîst a AKP-MHP’ê nexape.”
HPG: Divê gelê me bi nûçeyên derew yên AKP’ê nexape
