Li Babê komên çete bi hev ketin

Li bajarê Babê di navbera komên çete yên girdayî Artêşa Tirk de şer derket. Di encama şer de ji herdû aliyan birîndar hene.
Li gor nûçeya di ajansa ANHA’ê de di navbera du komên çete yên girêdayî artêşa dagirker a Tirkiyê de li bajarê Babê şer û pevçûn rû dan û di encamê de gelek çeteyên herdu aliyan birîndar bûn.Tê gotin ku pevçûn li nêzî nexweşxaneya El-Hikmê li ser benda kontrolê ya çerxeriya El-Ezreq di navbera koma çeteyan a El-Şerqiyê û çeteyên asayîşa artêşa azad de rû dane. Sedema pevçûnan jî ew e ku welatiyekî sivîl li ba asayîşa artêşa azad gilî kiriye ku li ser vê bendê welatî tên şêlandin.
Hat ragihandin ku di encama pevçûnên di navbera herdu aliyan de gelek çete birîndar bûne û yên birîndar bûne rakirine nexweşxaneya El-Hikêm.
Çeteyên koma El-Şerqiyê hewldan birîndarên xwe ji nexweşxaneyê derxînin û li ser vê yekê jî di navbera herdu aliyan de li pêşiya nexweşxaneyê pevçûn careke din rûdan û koma El-Şerqiyê nikaribû çeteyên xwe yên birîndar ji nexweşxaneyê derxîne…ANHA