Yekitiya Lîberal a Kurdistanê êrîşên artêşa tirk a dagirker û çeteyên wê yên li ser Efrînê şermezar kirin. Yekitiyê bang li civaka navdewletî kir ku dawiyê li êrîşên dagirkeran bîne. Her wiha yekitiyê êrîşên li ser Qendîlê jî şermezar kirin.
Yekitiya Lîberal a Kurdistanê têkildarî êrîşên artêşa tirk a dagirker û çeteyên wê yên li ser Efrîn û Qendîlê daxuyaniyek da.
Daxuyanî wiha ye:
Hemû kiryarên artêşa tirk a dagirker û çeteyên wê li Efrînê eşkere bûne. Dewleta destwerdana Sûriyê kir û gelek bajarên wê, herî dawî jî Efrîn dagir kir. Dewleta tirk a dagirker bi hinceta ku şerê terorê dike êrîşên xwe pêk tîne.
Erdoganê faşîst got ku dê berê xwe bide çiyayaê Qendîlê. Em wek Yekitiya Lîberal a Kurdistanê êrîşên artêşa tirk a dagirker û çeteyên wê yên li ser Efrînê şermezar dikin.
Her wiha em bang li civaka navdewletî û NY`yê dikin ku bi rêya Konseya Ewlehiyê zextê li Tirkiyê bikin da ku hêzên xwe yên ku gelê Efrînê dikuje, neçarî koçberiyê dike û mal û milkên wan talan dike, vekişîne.
Her wiha em bang dikin ku êrîşên li ser başûrê Kurdistanê û avakirina baregehên leşkerî rawestîne.
Em bang li hikumeta Iraqê û Herêma Başûrê Kurdistanê dikin ku li hemberî êrîşên dagirkeran parastina gel û axa xwe bikin.”
Divê helwestê nîşanî dewleta Tirk bidin
