Çete li babê li ser milkê gel şer dikin

Fermandarê Giştî yê Meclîsa Leşkerî ya Babê Cemal Ebû Cûma destnîşan kir ku çete li Babê li ser mal û mulkên şêniyên herêmê yên ku dizîne, şer dikin.
Cemal Ebû Cûma derbarê rewşa li Babê de axivî û diyar kir ku l Babê û gundewarên wê rojane şer di navbera komên çeteyan derdikeve. Çete li ser mal û mulkên ji şêniyên herêmê û bi taybet ên Efrînê dizîne, şer dikin.˝
Ebû Cûma li ser siyaseta Tirk ya li herêmê wiha axivî, “Dewleta Tirk a dagirker jî zextê li şêniyên Babê dike ku demografiya herêma wan bide guhertin. Tirkiyê bi zanebûn nakokî û şerê di navbera komên çete yên li Babê û gundewarên wê gur dike, dixwaze bi riya komên çete talanê bike, demografiyê bide guhertin û bi riya çeteyan serweriya xwe li ser herêmê xurtir bike˝.
Ebû Cûma di nava gotinên xwe de anî ziman ku wan kiryarên Tirkiyê û çeteyan ên li ser sivîlên herêmê ku pêk tînin belge kirine û got:˝ Tenê di vê mehê de 7 caran şer di navbera çete û sivîlan de derketiye. Di van şeran de sivîl ku di nava wan de zarok û jin jî hene, ji aliyê çeteyan de hatine kuştin û bi dehan birîndar çêbûne˝.
Di mijara gefên Tirkiyê ji bo dagirkirina Minbicê jî Ebû Cûma wiha got: “Ciwanên Minbicê li eniyane, ew amade ne parastina xaka xwe bikin, wan çawa canê xwe ji bo rizgarkirina Minbicê feda kirin, wê ji bo parastina wê jî canê xwe feda bikin˝.Ebû Cûma anî ziman ku niha gelek şêniyên Babê yên koçber bûne li Minbicê dijîn û got: “Bila ragihandin, civaka Navnetewî, Berpirsên Karûbarên Mirovî bizanibin ku niha bi sedan şêniyên Babê yên ji ber dagirkeriya Tirkiyê û çeteyên wê koçber bûne, li Minbicê dijîn˝…ANHA