Dagirkeran li Efrînê 9 kes revandin

Leşker û çeteyên Tirk ên dagirker, li Efrînê 9 gundiyên din revandin. Ji bo berdana kesên revandî jî pere xwestin.
Kiryarên hovane yên artêş û çeteyên Tirk ên li Efrînê dewam dikin. Her roj mirovan direvînin, dikujin û destdirêjiyê dikin. Li gundê Kebaşin ê navçeya Şerawayê 5 sivîlên din hatin revandin.
Nayê zanîn bê kesên hatine revandin bi ku ve birine. Gundiyên hatin revandin: Îbrahîm Umer Heyder (30), Abdulhemîd Îsmaîl Heyder (28), Mihemed Hesen Ebdo (28), Adil Mihemed Şikrî (25) û Fadil Mihemed Şikrî (18).
HEZAR DOLARÎ DIXWAZIN!
Kesekî bi navê Ş.N. ê ji gundê Birc Weqas ê li Şerawayê ragihand ku artêşa Tirk û çeteyên wê, 4 kesên ku pezên xwe diçêrandin revandine. Kesên hatine revandin: Nezmî Elî (60), Elî Xelîl (45), Qedrî Beherî (60) û Mihemed (30).
Çeteyan di berdêla berdana kesên revandî de hezar dolar xwestin û 5 mih jî dizîn.