Artêşa Tirk êrîşî gundên Qendîlê kir

Balafirên şer ên artêşa Tirk a dagirker, herêmên Bokrîska û Dola Berana ên Qendîlê bombebaran kirin.
Van rojên dawî, gera balafirên keşfê yên li ser asîmanê herêma Qendîlê zêdetir bûye. Piştî ku ev çend roj in bê navber balafirên keşfê li ser herêmê digerin, gundewarên herêmê yên sivîlan rastî êrîşa balafirên Tirk ên şer hatin.
Li gorî agahiyên ji çavkaniyên herêmî hatin girtin, balafirên şer ên artêşa Tirk a dagirker roja 10’ê Hezîranê saet di 11:00’î de derdora gundê Bokrîskan û herêma Dola Bedran bombebaran kirin.
Hate ragihandin ku di encama van êrîşan de bax, baxçe û zeviyên gundiyan zerer dîtine.