Piştî itîfaqa di navbera Rûsya, Tirkiye û Îranê çeteyên DAIŞ’ê careke din li parêzgeha Idliba ku di bin dagirkeriya Cebhet El-Nusra de ye xwe birêxistin dike.Çeteyên DAIŞ’ê careke din li herêmên Idlibê yên ji aliyê Artêşa Tirk û çeteyên wê ve hatiye dagirkirin xwe birêxistin dikin. Navenda Çavêdirya Mafê Mirovan a Sûriyê derbarê mijarê de diyar kir ku çeteyên DAIŞ’ê li Idlibê serê 3 endamên Heyet Tehrîr El-Şam (Cebhet El-Nusra) jêkirin. DAIŞ di bin navê Wîlayeta Idlibê sê kes serjêkirin. Dema serjêkirin pêk hat, cilên pirtuqalî li kesên serê wan hate jêkirin, hate kirin.Navenda Çavdêriya Mafê Mirovan a Sûriyê da zanîn ku serjêkirina sê kesan piştî şerê ku li gundê Kefer Hind a gundê Seqlîn a bakur-rojavayê Idlibê di navbera DAIŞ û Cebhet El-Nusra de derket pêk hat. Çeteyên Cebhet El-Nusra hin komên DAIŞ’ê bi tewana ku şaneyên razayî yên DAIŞ’ê ne 6 endamên wan tune kirin.
Li ser vê yekê di 4’ê Hezîranê de li bajaroka Silqîn a bakur-rojavyaê Idlibê şer derket. Şer di navbera çekdarên Cebhet El-Nusra û malbatek Iraqî ya girêdayî DAIŞ’ê derket. Di encamê de 27 kes ji wan 5 endamên Nusra ne hatin kuştin.Piştî toreya 9’an a civînên Astana ku di nîvê meha gulanê de hate lidarxistin, Rûsiya ,Tirkiyê û Îranê biryar dan ku parêzgeha Idlibê di bin berpirsyariya dewleta Tirk de bimîne. Ji wê demê ve nakokî, bûyerên şer, revandin û teqînan zêde bû…ANHA
DAIŞ li Idlibê xwe birêxistin dike
