Em êrîşên Tirkiyê li ser herêma Kurdistanê qebûl nakin

Berdevkê Çapemeniyê yê Ofîsa Serokwezîrtiyê yê Iraqê Saîd Hadîsî têkildarî êrîşên artêşa Tirk a dagirker ya li ser Başûrê Kurdistanê got ku, “Ev tê wateya binpêkirina serweriya Iraqê, em qebûl nakin.”
Berdevkê Çapemeniyê yê Ofîsa Serokwezîrtiyê yê Iraqê Saîd Hadîsî têkildarî êrîşên artêşa Tirk a dagirker ya li ser Başûrê Kurdistanê daxuyanî da. Hadîsî diyar kir ku helwesta Bexdayê ya li hemberî vê dagirkeriya Tirkiyê eşkere ye û got, “Mafê Iraqê heye ku parastina serweriya xwe bidomîne. Tirkiye bêyî ku destûra Iraqê hebe, bi hinceta ku baregehên PKK’ê heye, Herêma Kurdistanê bomberdûman dike û leşkerên xwe sewqî herêmê dike. Ev tê wateya binpêkirina serweriya Iraqê. Em vê rewşê qebûl nakin.”
Hadîsî got, “Êrîşên artêşa Tirk a li ser Herêma Kurdistanê rewşa heyî tevlihevtir dike. Em nikarin çavê xwe ji artêşa Tirk re bigirin.”