Dengek ji bo Demîrtaş, dengek Ji bo HDP’ê

Hevserokê HDP’ê Sezaî Temellî li navçeya Mîlasê ya bajarê Tirkiyê Mûglayê bi gel re hate cem hev.
Hevserokê HDP’ê Sezaî Temellî li Mîlasê ya Mûglayê bal kişande ser nakokiyên di navbeyna AKP-MHP’ê de û got, ‘Tifaqa Cumhur’ ketiye nav pevçûnan.
Temellî politikaya AKP-Erdogan a pêvajoya ber bi 7’ê Hezîranê ve bi bîr xist û got niha dîsa bi heman rêbaz û zimanî dertên pêşberî wan. Temellî got dema ku fêhm kirin wê nikaribin HDP’ê di bin bendê de bihêlin niha jî dest bi halan şer kirine.
Temellî got : ‘’Hemû peywirdarên dewletê ji bo ku nehêlin HDP bendê derbas bike seferber bûne. Ji trafîkê bigirin ta bi têkoşîna dij terorê hemû rabûne ser piyan. Derd û kulê wan ew e ku HDP siyasetê neke. Hemû walî propagandaya AKP’ê dikin, li navçe û gundan digerin gefê li gel dixwin.’’
Hevserokê HDP’ê Sezaî Temellî bal kişande ser giringiya xwedîderketina li sendoqan û got, ‘’Ji niha û şûn de em ê hemû bibin müşahit. Em ê tenê dengên xwe nedin. Em ê li aqûbeta wê jî bipirsin. Zarok demokrasî û aştiyê dixwazin. Divê em li siberoja zarokên xwe xwedî derkevin. Ji bo demokrasiyê dengek ji bo Demîrtaş, dengek ji bo HDP’ê. Nebêjin dengek qîmetê wê nîn e, biçin dengê xwe bidin.’’