Nerazîbûna li êrîşên dewleta Tirk ên li ser Başûrê Kurdistanê zêde dibe. Li Silêmaniyê ‘Eniya Neteweyî ya li dijî dagirkeriyê’ hate ragihandin.
Gelek aktîvîst, alimên olî, parlamenter û nûnerên rêxistinên civakî yên sivîl li Hola Emnesoreke ya Silêmanî li hev civiyan û biryar dan ku li dijî dagirkeriya Tirk ‘Eniya Neteweyî’ ava bikin.
Civîn êvara 7’ê Hezîranê hate kirin û hate ragihandin ku li dijî êrîş û dagirkeriyê wê karê dîplomasiyê bê kirin û çalakî bên organîzekirin. Ji bo vê jî komîsyonek hate avakirin.
Di civînê de hate destnîşankirin ku ji bo çalakî tenê li herêmekê neyên kirin, li gelemperiya Başûrê Kurdistanê komîteyên ‘Eniya Neteweyî ya li dijî Dagirkeriyê’ bên avakirin.
Hate gotin, bernameya çalakiyan wê piştî çend rojên din bê eşkerekirin.
Li dijî dagirkeriyê ‘Eniya Neteweyî’ hate avakirin
