Welatiyên penaber ên Mexmûrê bi meşeke meşaleyî tecrîda girankirî ya li ser Rêberê Gelê Kurd Abdullah Ocalan û dagirkeriya xaka Başûrê Kurdistanê ya ji aliyê dewleta Tirk ve şermezar kirin.
Bi pêşengiya TCM’ê bi meşeke meşaleyî bi tevlîbûna ciwan û gelê Wargeha Şehîd Rûstem Cûdî, tecrîda girankirî ya li ser Rêberê Gelê Kurd Abdullah Ocalan û dagirkeriya xaka Başûrê Kurdistanê hate şermezarkirin.
Li ser navê ciwanan Hevserokê Saziya Ciwanan Nûdem Yeman daxuyanî da.
Yaman di daxuyaniyê de destnîşan kir ku asta tecrîda li ser Rêberê Gelê Kurd Abdullah Ocalan her diçe zêde dibe û got: “wê ciwan bi ruhê fedayî xwedî li Rêbertiya xwe û gelê xwe derkeve.”
Yaman bal kişand ser dagirkeriya Tirk û wiha got: “Di demekî evqas hêzên dagirker lewaz de, weke hêzên pêşeng ciwan û jinên ciwan derfetê me heye ku em derbên xurt li faşîzim û dagirkeriyê bixin zêdetir e. Em îro weke ciwan derbasî Qonaxa Duyemîn a Pêngava Serî hilde bûne. Li ser vî bingehî divê em di çarçoveya pêngavê de têkibirina faşîzm û dagirkeriyê bikin hedef.”
Yaman diyar kir ku yekane hêza ku li dijî her cûre êrîşên li ser Kurd û Kurdistanê xwe bike mertal û dijmin ji welatê xwe bi qewitîne ciwan in.
Hevseroka TCM/TJCM Nûdem Yaman destnîşan kir ku îro bi desteka PDK’ê hêzên dagirker dixwazin Başûrê Kurdistanê dagir bikin û got: “ Tirkiye bi hevkariya îxanetkar a PDK’ê dixwaze Başûr dagir bike. Em weke ciwanên Mexmûrê her demê ji dijî her cûre êrîşên hov bûne bersiv. Bila dijmin baş bizanibe wê ev êrîş bê bersiv nemîne.”
Li Mexmûrê dagirkeriya Tirk hat şermezar kirin
