Eniya Demokratîk a Sûriyê û Partiyên Kombûna Demokratîk a Çepgir ên Kurdên Sûriyê diyar kirin ku pêwîste yekîtiya xaka Sûriyê were parastn û kongreyek niştimanî ya Sûriyê ji bo çareserkirina aloziyê were lidarxistin.
Şandeyek ji Eniya Demokratîk a Sûriyê bi partiyên kurdî yên bi di bin banê Kombûna Demokratîk a Çepgirên Kurd ên Sûriyê hatine gel hev re, civiyan. Hevdîtin li navena Partiya Veguhertina Demokratîk a Kurdistanê ya Sûriyê ya bajarê Qamişlo pêk hat.
Şandeya Eniya Demokratîk ji aliyê Sekrterê Partiya Kesk a Kurdistanê Luqman Ehmê, ve hate pêşwazîkirin.
Herdû aliyan nerînên xwe yên derbarê aloziya Sûriyê parve kirin û destnîşan kirin ku divê hêzên siyasî yên Sûriyê yekîtiya xaka Sûriyê biparêz in.
Sekreterê Eniya Demokraîtk a Sûriyê Mihemed Merî diyar kir ku hevdîtina wan bi armanca yekîtiya opozisyona hindir pêk hatiye û destnîşan kir ku divê kongreya niştimanî ya Sûriyê-Sûriyê were lidarxistin. Di riya wê kongreyê de aloziya Sûriyê were çareserkirin.
Endamên Şandeyê her wiha êrîşa dewleta Tirk a dagirker şermezar kirin. Endamên şandeyê ezmûna Rêveberiya Xweseriya Demorkatîk a Rojava-Bakurê Sûriyê ecibandin û destnîşan kirin ku ev sîstem xizmeta berjewendiya gelê kurd û hemû gelê Sûriyê dike.
Divê kongreya çareseriyê were lidarxistin
