Li girava Mîdîlî ya Yewnanîstanê rojên derbasbûyî de ji bo şerê “Kurd-Ereb” provakasyoneke ya MÎT’ê hatibû kirin. Piştî provakasyonê ji bo koçberên Kurd kampeke nû hate avakirin.
Hevdîtinên bi pêşengtiya Navenda Çanda Kurdistan (NÇK)-Yewnanîstan encam girt. Rêxistinên civaka sivîl yên Kurd ên li welat piştî provakasyonê daxwaz kirin ku koçberên Kurd bibin kampek din. Piştî qebûlkirina vê daxwazê koçber birin kampeke din.
Heyetek li ser navê NÇK-Yewnanîstanê, ku endama TJK-E û siyasetmedara Kurd Rûken Demîr, nûnerê PYD’ê yê Yewnanîstan Îbrahîm Muslim, Hevserokê Meclîsa Civaka Demokratîk a Yewnanîstanê Bahdîn Ahmed û Wezîrê Koçberan yê Yewnanîstanê di nav de girse pêşwazî kirin.
Li ser navê heyetê Rûken Demîr axivî û spasiya berpirsên Yewnan kir ku di demek nêz de kampek nû dane koçberên Kurd.
Demîr qala yekîtiya Kurd-Ereb ya di îtîfaqa QSD’ê ya li Sûriyeyê de jî kir û got ruhê QSD’ê di van bûyerên wiha de dixwazin yekîtiya gelê Kurd-Ereb provake bikin û îstîxbareta Tirk vî karî dike.
Dayikeke ji Efrînê ku li Kampa Mîdîlliyê dima li ser navê gel axivî û wiha got; “Di nava kêsên êrîş kirin de kesên ku berê li kampê diman tune bû. Êrîş bi plan hate kirin û maske li ber rûyê hinek êrîşkaran bû”
Dayika ji Efrînê got, ti pirsgirêka wan bi gelê Ereb re nîne û di demên dawî de kesên biyanî dihatin kampê û xwestin bûyeran provake bikin. Dayika ji bo xwedîderketina PYD a li gel spasî kir û wiha got; “Em bi partiya xwe serbilind in. Bijî Serok Apo.”
