Solîn Mihemed/Qamişlo
Bi pêşengiya Insiyatîfa gel mîtingek ji bo azadiya fîzîkî ya Rêber Apo di bin dirûşmeya “Rêberê Azad.. Gelê Aazd e” li Stadyoma Heysem Kiço ya li bajarê Qamişlo hate lidar xistin.
Ji bo azadiya fîzîkî ya Rêber Apo Insyatîfa Gel li bajarê Qamişlo mîtingek bi tevlîbûna sedan ji gelên Qamişlo, Amûdê û Tirbespiyê li Stadyoma Heysem Kiço ya bajarê Qamişlo lidar xist.
Qada mîtingê bi alên ku wêneyê Rêber Apo li ser in û ala Rojava hatibû xemilandin.
Mîting bi deqeyeke rêzgirtin dest pê kir. Piştre li ser navê gel Remziya Mihemed axivî û wiha got: “Di demekê ku cîhan ber bi şerekî mezin ve diçe, Rêber Apo pêvajoya Aştî û Civaka Demokratîk ragihand. Ev pêvajo Kurdistanê û cîhanê ber bi aştiyê ve dimeşîne, hem jî sîstemam desthilatdar ku tenê yekrengiyê dipijirîne, da seknandin. Ji dema ku ev pêvajo dest pê bûye, şer û qetilkirin çênebûye. Ji ber ku Rêber Apo ji bo azadiya gelan, wekhevî û edalê bang dike. Lewra azadiya Rêber Apo misogeriya azadiya gelan e.”
Piştî axaftina Remziya Mihemed, mîting bi çalakiyên hunerî berdewam kir ku hunermend Baran Dilbuhar, Koma Yasna, Nisrîn Botan û Danîş Botan stran gotin, herwiha helbestvan Ferhadê Merdê helbest pêşkêş kirin.
Mîting bi dirûşmeyên “Bê serok jiyan nabe û Azadî ji bo Rêber Apo” bidawî bû.
