Ayşa Silêman/ Dêrik
Rêveberê Beşa Teknîkî ya Şaredariya bajarê Girkê Legê Şahîn Ehmed diyar kir ku hemû tîmên şaredariyê li kolanên bajêr in da ku riyan sererast û zifit bikin.
Şaredarî ne tenê saziyeke fermî ye, lê bingeha dispilîn, paqijî û geşedana her herêmê ye ku rasterast bandorê li jiyana rojane ya welatiyan dike. Niha jî li seranserî Rojavayê Kurdistanê şaredariyan dest bi xebatên xizmetguzarî kirine û bi taybet zifitkirina riyan, Şaredariya bajarê Girkê Legê jî ev bar hilgirtiye li ser milê xwe da ku riyên bajêr sererast bike û astengiyên ku gel dibînin sedema riyan ji holê rabe.
Di derbarî pirojeya zifitkirina riyan Rêveberê beşê Teknîkî yê Şaredariya bajarê Girkê Legê Şahîn Ehmed ji Rojnameya me re axivî.
Hemû karmend di xizmeta zifitkirina bajar de ne
Şahîn Ehmed da zanîn ku yek ji pirojeyên sala 2026’an zifitkirina riyan ne û wiha got: “Sedema barana zêde ya ku li herêmê bariya bû sedem ku gelek rê hatin xirakirin û çûn û hatina gel têde zehmet bû, lewma me guncaw dît ku em pirojeya xwe ya zifitkirinê pêk bînin, da ku gel jî rastî astengiyên rê new in û rengê bajar jî xweşik xuy bike. 4100 Mitir Kap zivifit ji bo taxên bajêr hatiye diyar kirin, me 1900 Mitir Kap ji bo kolana sereke ya bajarê GIrkê Legê veqetandiye. Di heman demê de 2100 Mitir Kap ji bo kolanên nava bajar de ne jî, bi awayekî wekhev me miqdara zivtê li hemû kolanan belav kiriye da ku tu welatî aciz nebin û pirisgirêkan dernexin. Îsal me hemû hewildanên xwe kirin ku em li ser qalîteya ziftê bisekinin da ku demeke dirêj berdewam bike û bajar her sal ne hewcedarî zifitkirinê be.”
Astengiyên ku rastî karmendên zifitkirinê tên
Rêveberê beşê Teknîkî yê Şaredariya bajarê Girkê Legê Şahîn Ehmed axaftinên xwe wiha domand: “Tevî ku germa zêde heye û karmendên me gelek êşa dikşînin, her roj em ê rê paqij bikin da ku em bîtomînê deynin lê mixabin roja din em tên dibînin ku gel çopa xwe avîtine li ser. Di heman demê de em rastî pirsgirêka tên ku gel bi me re nabe alîkar. Rojane em cih digrin da ku çûn û hatina ereban çênebe û em bikaribin bi awayekî baş zifitkirinê bikin, em dibînin ku gel wê wî cihê girtî veke û bi erebeyên xwe li ser ziftê re derbas bibin. Tevî ku tirafîk jî di xizmetê de ye û hemû hewildanên xwe dike ku vê pirsgirêkê çareser bike lê gelê me destek nadin me. Ev zifta ku em niha çêdikin dem dixwaze heye ziwa bibe da ku bi awayekî baş cihê xwe bigre, lê ev pirsgirêka ku gel derdixe barê me girantir dike. Heya niha em karê xwe baş bi rêve dibin û dimilê alav û ziftê de astengî derneketine em hemû hewildanên xwe dikin ku em vê pirojeyê bidawî bikin da ku nîvço nemîne û sala bê careke din heman astengî dernekevin.”
