Solîn Mihemed/ Qamişlo
Ji bo piştgiriya YPJ û bi dirûşmeya ‘Em Hemû YPJ’ê Ne, YPJ’ê Hebûna Me Ye’, bi pêşengiya Kongra Star meşeke girseyî li bajarê Qamişlo hat lidarxistin.
Ji bo piştgiriya Yekîneyên Parastina Jin YPJ’ê, Kongra Star a Qamişlo bi dirûşmeya ‘Em Hemû YPJ’ê Ne, YPJ’ê Hebûna Me Ye’ meşeke girseyî li dar xist. Di meşê de sazî, rêxistin, fermandariya giştî û şervanên Yekîneyên Parastina Jin û bi sedan şêneyên bajarê Qamişlo, Tirbespiyê, Dêrik, Çilaxa, Amûdê û Dirbêsiyê beşdar bûn.
Meş ji çerxereya Sonî a bajarê Qamişlo bi siloganên “Bijî berxwedana YPJ’ê, YPJ’ê em bi te re ne heya mirinê, YPJ’ê dimeşe erd û ezman diheje” dest pê kir û li çerxereya Şehîdan veguherî mîtingê.
Di destpêka mitîngê de deqeyek rêzgirtin li ser giyanê şehîdan hat rawestandin.
Piştire li ser nave Koordînasyona Kongra Star Gulîstan Gulo axivî û wiha got: “Li ser navê hemû rêxistin û tevgerên jinan yên kantona Qamişlo ku îro tevlî meşê bûn em wan silav dikin. Ev demeke ku me kampanya piştgirtina Yekîneyên Parastina Jin YPJ’ê daye destpêkirin. Îro jî çi kesê kupiştgiriya xwe ji bo YPJ’ê ragihandine, em wan silav û sipas dikin. Herwiha armanca mesa me jî misogerkirina maf, hebûn û nasnameya jinan e. Îro hikumeta Sûriyê naxwaze ku YPJ’ê di artêşê de were qebûlkirin, ji bo wê em ê tavhî jin li qad û kolanan bin, heya ku maf û hebûna me di destûrê de were parastin. ”
Paşê endama Fermandariya Giştî ya Yekîneyên Parastina Jin YPJ’ê Rohilat Efrîn axivî û wiha anî ziman: “Bi navê
fermandariya YPJ’ê û bi navê hemû jinan ku me çawa soz da ku em ê xwedî li vî welatî û axê derkevin, îro jî soza me ji dayik û bavê şehîdan re ew e ku em vê axê biparêzin. Helbet çawa ku em niha di meşê de ne niha li Ewropa jî bi hezaran jin li ser piyan in û di meşê de ne, ev meşên ku çêdibin jî ji bo me cihê rûmetê ne. Îro çawa ku mirovek nikare bê nan û av jiyan bike ji bo me jinan jî û ji bo civaka me bê parastin yek deqe jiyan li me herame. Em dikevin pêvajoyeke nû ji bo wê divê em têkoşîneke nû bidin meşandin, ji ber em ji xwe bawerin.”
Meş bi silogana” Bijî berxwedana YPJ’ê” bidawî bû.
