Dewleta Tirk ya dagirker piştî ku Efrîn dagirkir, niha bi piştgiriya Rûsyayê bi awayekî lez demografya herêmê diguhere. Heta niha bi hezaran malbatên çeteyan ji herêmên weke Xuta û Dûma yên Sûriyê anîne li Efrînê bi cih kirine. Hat ragihandin du roj berê 40 malbatên çeteyan jî li gundê Kaxrê yê bi ser Mabata ve hatin bi cih kirin.
Li Efrînê guhertina demografyayê ji aliyê dewleta dagirker de bi lez berdewam dike.
Artêşa Tirk a dagirker 40 malbatên din ên çeteyan li gundê Kaxrê yê navçeya Mabata ya Efrînê bi cih kirin.
Li gorî agahiyên ji çavkaniyên li Efrînê hatin wergirtin li gundê Kaxrê yê navçeya Mabata ya Efrînê artêşa Tirk a dagirker û çeteyên wê beriya du rojan 40 malbatên din yên çeteyên ji Xûta Rojhilat li gund bi cih kirin.
Hat ragihandin ew malbat di malên welatiyên Efrînê yên ji ber êrîşên artêşa Tirk a dagirker û çeteyên wê dev ji malên xwe berdan, hatin bi cih kirin. Li gor ku çavkaniyan diyar kirin çete li malên şêniyên gund ên bi navê (Mustefa Silêman, Qazqulî Silêman, Ehmed Cîrawa, Diyan Îmo, Mihemed Weqas, Fehîm Weqas, Henîf Izet Reşîd, Sadiq Izet Reşîd, Ciwan Sadiq Reşîd, Mihemed Mihemed Şêx Xelîl, Ferîd Hiso, Rişdî Hiso û Selah Îmo) û malên hinek welatiyên din bi cih kirine…ANHA
