Hêvî Keleş/ Qamişlo
Bi boneya nêzîkbûna 15’ê Gulanê roja zimanê kurdî Mecilsa Malbatê Şehîdan daxuyaniyek li bajarê Qamişlo li stadyûma 12 Adarê dan.
Îro Meclisa Malbatê Şehîdan li stadyûma 12 Adarê bi boneya Nêzîkbûna 15 Gulanê roja Zimanê Kurdî bi beşdarbûna endamên Rêveberiya Xweser daxuyaniyek dan.
Daxuyanî bi zimanê Kurdî û Erebî hate xwendin.
Daxuyanî bi zimanê kurdî ji aliyê Diyar Masûm endamê Meclisa Malbatê Şehîdan hate xwendin û naveroka wê wiha bû: “Em wekî Meclisa Malbatên Şehîdan, ji wê pîroziya ku bi xwîna keç û kurên me yên canê xwe fedayî azadî, rûmet û edaletê kirine hatiye avdan, tekez dikin ku têkoşîna me tu carî tenê ji bo manê nebûye; berovajî wê, ji bo bidestxistina mafên me yên hatine talankirin û parastina nasnameya me ya ku desthilatê bi dehsalan hewl dida tune bike, bûye.
Bi boneya Roja Zimanê Kurdî (15’ê Gulanê), em pîrozbahiyên xwe yên herî germ pêşkêşî tevahî gelê xwe dikin. Em destnîşan dikin ku ev roj ne tenê pîrozbahiyek asayî ye, lê belê sekineke bi rûmet e ku em tê de bi bîr tînin ku ziman rihê gelan, nasnameya hebûna wan û keleha dawî ya parastina nasnameyê ye. Îro, piştî derbasbûna 15 salan li ser destpêkirina Şoreşa Rojava, em dubare dikin ku yek ji armancên herî pîroz û girîng ên vê şoreşê, çespandina mafê perwerdeya bi zimanê dayikê bû wekî bingeha avakirina civakeke azad û em ê tu carî ji vê armancê venegerin.”
Daxuynî wiha hate bi dawî kirin: “Li ser vê bingehê, em daxwaz û xalên xwe yên sereke ku nayên nîqaşkirin, ji raya giştî re radigihînin: Naskirina Destûrî: Em daxwaza naskirina dûrxistina ser dikin. Sûriyeya pêşerojê li zimanên pêkhateyên din nayê avakirin. Fermîkirina zimanê kurdî vegerandina rûmeta dîrokê ye û gava yekem e ber bi peymaneke civakî ya rastîn ku wekheviyê garantî dike. Zimanê kurdî di destûrê de wekî zimanekî fermî.
Mafê Zimanê Dayikê: Perwerdeya zarokên me bi zimanê wan ê dayikê mafekî xwezayî û qanûnî ye ku me bi berdêlên giranbiha bi dest xistiye, û em ê di bin tu mercî de dest ji vî mafi bernedin. Perwerdeya bi zimanê dayikê yekane rê ye ji bo avakirina nifşên ku bi nasnameya xwe serbilind bin û li hember serdemê vekirî bin, ev berhema ku me bi xwîna şehîdan di nav 15 salên şoreşê de av daye.
Pîroziya Navên Şehîdan: Me navên saziyên xwe yên zanistî û dibistanên xwe bi navên şehîdên xwe yên nemir kirine, da ku bîranîna wan ji bo nifşan bibe ronahî. Em bi eşkereyî radigihînin: Em rê nadin ku navên dibistanên me yên ku navên şehîdan hildigirin werin guhertin. Ev nav xeta me ya sor in û beşek ji bîra me ya pîroz in, her hewildanek ji bo destwerdana wan, kêrek e li rûmeta malbatên şehîdan dikeve.
Di encamê de: Em wekî Meclisa Malbatên Şehîdan a Cizîrê, di dema ku em girîngiya jiyana hevbeş û yekîtiyê.”
