Ekîp/ Qamişlo
Di çarçoveya Peymana 29’ê Çileyê îro koma 4’emîn a dîlgirtiyan ku hejmara wan ji 232 kesan pêk dihat, hatin berdan.
Koma 4’emîn a dîlgirtiyan ku ji 232 dîlan pêk dihat, îro hatin berdan. Dîlgirtî li bajarê Hesekê Çerxereya Sebax hatin pêşwazîkirin, piştirê dîlgirtiyên bajarên din berê xwe dan bajarê xwe û bi girseya gel û malbatên xwe hatin pêşwazkirin. Yek ji wan bajaran jî bajarê Qamişlo bû ku bi çoşeke mezin a gel li Çerxereya şehîd Yûsiv Gulo hatin pêşwazîkirin.
Hêjayî bibîrxistinê ye ku qonaxa yekem a serbestberdana dîlgirtiyan di 10’ê Adara 2026’an de pêk hat ku 100 kesên ku ji aliyê hikumeta demkîya Sûriyê ve dihatin girtin li beramber 100 kesên ku ji aliyê QSD’ê ve dihatin girtin, hatin berdan.
– Qonaxa duyem ku di 19’ê Adara 2026’an de hate pêkanîn, 300 kesên ku ji aliyê hikumeta demkîya Sûriyê ve dihatin girtin li beramber 300 kesên ku ji aliyê QSD’ê ve dihatin girtin, serbest hatin berdan.
– Di qonaxa sêyem de jî ku di 11’ê Nîsana 2026`an de pêk hat, 400 kesên din ên ku ji aliyê hikumeta demkî ve dihatin girtin li beramber 91 kesên ku ji aliyê QSD’ê ve dihatin girtin, hatin berdan.
Piştî qonaxa 4’an a ji serbestberdana dîlgirtiyan kar û xebat ji bo qonaxa 5’an jî tê kirin.
