Hêvî Keleş/ Qamişlo
Tevgera Hîlala Zêrîn amadekariyan dike ku di 11’ê Adarê de, wekî beşek ji rêzeçalakiyên meha Adarê, çalakiyek taybet ji bo bîranîna salvegera şehadeta hunermend û têkoşera Kurd Şehîd Mizgîn “Gurbet Aydin” li dar bixe.
Di 11’ê Gulanê, 34’emîn salvegera şehadeta çalakvan û hunermend Mizgîn (Gurbet Aydin) e, ku bi têkoşîn û hunera xwe mîrateyek hunera şoreşger a Kurd afirand û bi dengê xwe yê xweş û dengvedêr beşdarî vejandina mîrata rastîn a Kurd bû.
Şehîd Gurbet Aydin ji gundê Bileder, nêzîkî Batman li Bakurê Kurdistanê ye, di sala 1962”an de ji dayik bûye. Ji temenê xwe yê ciwan ve bi dengê xwe yê xweş û hunera xwe ya xweşik tê nasîn, wê di ciwaniya xwe de dest bi lêgerîna rêyek kir da ku li dijî zîhniyeta serdest û polîtîkayên qirkirinê yên li dijî gelê Kurd bisekine. Di encamê de, di sala 1980”an de tevlî refên tevgera rizgariya Kurd bû.
Piştî kariyerek hunerî ya dirêj li Ewropayê, di sala 1990”an de vegeriya welatê xwe û çû çiyayên Kurdistanê. Li wir, wê serokatiya herêma Garzanê kir, gelek çalakiyên gelêrî kir û di heman demê de hunera şoreşger jî pêş xist. Di 11’ê Gulana 1992”an de, dema ku li navçeya Tetwanê ya Bedlîsê bû, mala ku lê dima ji aliyê leşkerên dewleta dagirker a Tirk ve hate dorpêçkirin. Mizgîn heta dawiyê li ber xwe da û şehîd bû.
‘Mîrateya hunerî û şervanî ya şehîd Mizgîn dê bimîne’
Di vê derbarê de, Rêvebira Hîlala Zêrîn û Endama komîteya amadekar a çalakiyê, Rûken Mihemed piştrast kir ku ev bûyer xwedî nirxek sembolîk a mezin e û Şehîd Mizgîn ne tenê hunermendek bû, lê kesayetek siyasî û şoreşger bû ku şopek kûr li ser dîroka hunera Kurdî hişt. Û wiha got: “Kesayetî û têkoşîna Şehîd Mizgîn beşdarî damezrandina gelek komên hunerî bûye, di nav de Koma Berxwedan, ku bû yek ji komên herî berbiçav ên bi mîrata wê û ya şehîd Safkan ve girêdayî ye û heta roja îro jî xwedî cihekî girîng e. Bandora Mizgînê li Rojava hîn jî heye û hunermendan îlham dide ku rêya wê ya hunerî û çalakvaniyê bidomînin. Pir girîng e ku mirov xewna nehatî bicihanîn bişopîne.”
Roken Mihemed diyar ku çalakî, dê li Parka Azadî were lidarxistin û wiha got: “Dê performansên hunerî yên hejmarek hunermendên Rojava, digel axaftin û stranên ku ji mîrata Mizgînê îlham girtine, di heman demê dê pêşkêşiyek vîdyoyî ku jiyan û têkoşîna wê ronî dike, di nav de peyamên kesane yên endamên Koma Berxwedan. Organîzekirina çalakiyên pêvek, di nav de weşana stranên taybet li ser Jin TV jî kir û ev çalakî beşek ji nûkirina soza berdewamiya têkoşînê, parastina mîrateya şehîdan û veguhestina wê ji nifşên pêşerojê re ne.
Rêvebera Tevgera Hîlal Zerîn de û endama komîteya amadekar a çalakiyê, Rûken Mihemed, bi piştrastkirina ku ev çalakî nûkirina soza berdewamiya rêya ku ji hêla şehîdan ve hatiye destpêkirin temsîl dike, axaftina xwe bi dawî kir. Wê tekez kir ku mîrateya hunerî û şervanî ya şehîd Mizgîn û hevalên wê dê bimîne û dê ji nifşekî bo nifşekî din were veguhestin, ku berdewamiya hem çand û hem jî berxwedanê misoger dike.
