Solîn Mihemed/ Qamişlo
Kongra Star a Qamişlo ji bo piştgiriya Yekîneyên Parastina Jin YPJ’ê, bi diruşmeya “Em hemû YPJ’ê ne, YPJ’ hebûna me ye” meşeke girseyî li bajarê Qamişlo lidar xist.
Ji bo piştgiriya Yekîneyên Parastina Jin YPJ’ê Kongra Star a Qamişlo bi diruşmeya “Em hemû YPJ’ê ne, YPJ’ hebûna me ye” meşeke girseyî li bajarê Qamişlo li dar xist. Di meşê de sazî, dezgeh, endamên YPJ’ê û bi hezaran şêneyên bajarê Qamişlo beşdar bûn.
Meş ji çerxereya Sonî dest pê kir û li çerxereya şehîdan veguherî mitîng. Di destpêka mitîngê de deqeyek rêzgirtin li ser giyanê şehîdan hat rawestandin.
Piştire li ser navê Kongra Star a Qamişlo Cewher Osman axivî û wiha got: “Îro di vê meşê de em hemû piştgiryê didin YPJ’ê. Ji xwe tekoşîn û berxwedana vî gelî ji hestên hêza YPJ’ê tê û hêza YPJ’ê jî ji hestên dilsoziya vî gelî tê. Ji ber ku YPJ’ê jinên vî gelî ne û herwiha YPJ’ temsîla me dikin. Di parastina cewherî de ku em bûn mînak ji cîhanê re ku çawa jinên me yên YPJ’ê bi fedekarî, bi hêz û moral di hemû qadan de li beramberî hêzên tarî şer kirin û bi ser ketin. Hêza YPJ’ê ne tenê hêzeke ku wisa hatiye, lê ji fikrekî ku xwesteka azadiyê ye, xwesteka civakek aştiyane û demokrat e hatiye. Ji bo wê em dibînin ku paşguhkirina hikumeta demkî dixwaze vê siyasetê li hember me pêk bîne, lê em jî red dikin êdî mê israr bikin ku YPJ’ê were qebûlkirin. Ji ber ku çawa çeka me rûmeta me ye, YPJ’ê jî hebûn û rûmeta me ye. Em Kongra Star dengê xwe digihînin tevahî cîhanê ku ev kesên ji bo YPJ’ê bê deng dimînin îro deng vedin da ku hêza me ya YPJ’ê di destûrê de weke hemû hêzên din were qebûlkirin.
Meş bi siloganên “Bijî berxwedana YPJ’ê” bidawî bû.
