Navenda Nûçeyan
Bi armanca parastina tenduristiya giştî û misogerkirina ewlehiya welatiyan, herwiha rêxistinkirina bazaran, tîmên Beşa Temwînê li bajarê Qamişlo mîqderek ji madeyên xwarinê ku dîroka bikaranîna wan bi dawî bûye, têk birin.
Bi armanca parastina tundiristiya welatiyan, Tîmên Temwînê û Ofîsa Tenduristiyê li bajarê Qamişlo gerên xwe ji bo displînkirina bazaran û parastina tenduristiya welatiyan gerên xwe yên meydanî berdewam dikin. Di gerên meydanî de ji kalîteya madeyên xwerinê yên ku têne pêşkêşkirin û dîroka çêkirin û bidawîbûna wê tê tekez kirin.
Li gorî rûpela fermî ya Şaredariya Gel ya bajarê Qamişlo li ser fêsbûkê, tîmên beşa Temwînê, bi hevrêziya Ofîsa Tenduristiyê, li bajarê Qamişlo di gererek vekolînê ya bazar û dikanan de, mîqdarên madeyên xwarinê yên dem qedandî desteser kirin û ji holê rakirin.
Ev tedbîr di çarçoveya pabendbûna ji bo parastina tenduristiya giştî û misogerkirina ewlehiya welatiyan tê kirin.
Hate destnîşan kirin ku hemû tedbîrên qanûnî li dijî kesên ku muxalefet dikin, hatine girtin.
Li gorî rûpelê gerên vekolînê dê bi rêkûpêk berdewam bikin. Herwiha daxwaz ji welatiyan hat kirin ku her madeyên ku guman ji hêla wê heye û ji bo xwarinê ne guncaw in, ji bo parastina tenduristî û ewlehiya civakê ragihînin.
