Esmihan Gedro/Qamişlo
Malbatên dîlgirtiyan li pêşiya avahiya komîseriya kar û barên penaberan a NY`yê çalakiyeke prostestoyî bi daxwaza berdana dîlgirtiyan li bajarê Qamişlo li dar xist.
Îro di seat 4`piştî nîvro malbatên dîlgirtiyan li pêşiya avahiya komîseriya kar û barên penaberan a NY`yê çalakiyek prostestoyî bi daxwaza berdana dîlgirtiyan li bajarê Qamişlo li dar xistin. Herwiha malbatên dîlgirtiyan ji bo azadkirin û diyarkirina çarenûsa şervanên xwe yên ku di destê hikûmeta şamê ya demkî de dîl hatine girtin, malbatên wan bi bilindkirina wêneyên zarok û şervanan daxwaza berdana dîlgirtiyên xwe dikin. Di çalakiyê de her dayîkê şervanekî wêneya zarokê xwe bilind kirine û bi slogana em zarokên xwe dixwazin, Em lehengên xwe dixwazin hate berzkirin.
Di çalakiyê de li ser navê malbatên dîlgirtiyan Yûsif Kotî axivî û wiha got:” em bang li Neteweyên Yekbûyî dikin ku bese ev bû çar meh in zarokên me di nav destê hikumeta demkî de û di nava destê çeteyên wan de esîrin. Ev dîlgirtî çi êş û zehmetî dikşînin malbatên van şervanan jî êşê dibînin. Ev malbat rojane derdikevin û çalakiyan çê dikin, heger ev hikumet dixwaze guhertinekê çê bike û hemû pêkhateyan nêzî xwe bike çima hetanî vê gavê esîrên me bernade. Ev bû çend mehin rewşa wan zelal nakin û hîna jî dixwaze welatekî wekhev bi me kurdan re ava bike. Heger ev hikumet zarokên me bernede em vê hikumetê qebûl nakin. Zarokên me ji bûna vî welatî û ji bo vê şoreşê yê ku xwe kirine qûrbanî şehîd bûne û yên ku hetanî niha jî dîlgirtî ne li cem hikumetê. Ji ber vê yekê jî banga me li hikumeta demkî heye ku li ser vê yekê bisekine û zarokên me azad bike. Em ê derketinên xwe ji bo van dîlgirtiyan berdewam bikin hetanî zarokên me têne berdan.
Çalakî bi slogana em esîrên xwe dixwazin û azadî ji bo esîran hate bi dawî kirin.
