Navenda Nûçeyan
Projeya ku Kongrsa Amerîkayê ji hêla demokratan ve, ji bo sînorkirina şiyana Dolnad Trump di şerê li dijî Îranê de pêşkêş kiribû, hat têkbirin.
Ev hewldana pêncemîn a Demokratan di Meclisê de ye, ji bo derxistina biryarnameyekê ku desthilatên Trump di şerê li dijî Îranê de sînordar bike. Lê di encama dengdana projeya ku Konrsê pêşkêş kiribû, 51 deng ev proje red kir û 46 deng erê kir.
Biryar dê Dewletên Yekbûyî yên Amerîkayê neçar bikira ku hêzên xwe ji şer vekişîne heta ku Kongres rê hin tedbîran bigre.
Serokê Demokratên Senatoyê Chuck Schumer got ku Trump her ku dirêjtir li benda derxistina Dewletên Yekbûyî yên Amerîkayê ji vî şerî bisekine, rewşa aloz û kûrtir dibe û derketina wê jî dijwartir dibe.
Dengdan piştî rojekê ji raghandina Trump a agirbesta bi Îranê re heta ku pêşniyarek ji aliyê Îranê ve were pêşkêşkirin û danûstandin bi dawî bibin, dê were dirêjkirin, hat.
Trump di postek li ser “Truth Social” de zelal kir ku ev biryar li ser daxwaza Pakistanê ya ji bo paşxistina êrişan hatiye dayîn.
Trump zêde kir ku hêzên çekdar dê dorpêçê bidomînin û dê amade bin ji bo ku bersivê bidin di heman demê de tekez kir ku di derbarê agirbestê an destnîşankirina demekê ji bo danûstandinan bi Îranê re de tu zextek demê tune ye, herwiha destnîşan kir ku raporên li ser dirêjkirina sê heta pênc rojan a agirbestê ne rast in.
Trump di derbarê bûyerên dawî yên li Tengava Hurmuzê de piştrast kir ku keştîyên ku hatine desteserkirin ne Amerîkî ne herwiha destnîşan kir ku dorpêçkirin ji bombebaranê zextê li ser rejîma Îranê zêdetir dike.
