Hêvî Keleş/ Qamişlo
Yekîtiya Ragihandina azad (YRA) û Navenda Mîtro a parastina mafê Rojnamevanan li Başûrê Kurdistanê de, hevpeymaneke di derbarê parastina mafê Rojnamevanên Rojavayê Kurdistanê de li navenda Yekîtiya Ragihandina Azad îmze kir.
Di gaveke girîng de ji bo pêşxistina azadiya çapemeniyê û parastina xebatkarên Ragihandinê li sernaserî parçeyên Kurdistanê de, Yekîtiya Ragihandina bi Navenda Metro ya Parastina Mafên Rojnamevanan li Başûrê Kurdistanê re hevpeymaneke îmze kir, bi armanca piştgirîkirin û parastina Rojnamevanan li Rojava û misogerkirina hawîrdorek xebatê ya ewletir.
Li gorî vê lihevkirinê, herdu ali pabendi van xalên li jêr in:
1.Ji bo parastina azadiya derbirinë ů ya çapemeniyê, herdu ali de herdem bi hevkari û hevrězi xwedi helwestên hevbeş bin.
- Pêşxistina jêhatiyên rojnamevanan bi rêya perwerdė, komxebat û pevguhertina ezmûnên pişeyî.
- Xurtkirin û piştgiriya beşdariya li konferans û çalakiyên ragihandinê û ji bo tevlîbûna YRA nav rêxistinên rojnamegeriya navneteweyî, destek were dayîn.
- Ji bo zelalî û piştgiriya li azadiya bikaranîna agahiyan, hezkirina mafê rojnamevanan a xwegihandina agahiyan.
- Pêşilêgirtina li gotarên nefret, nûçeyên derew, tund û tûjiyê, û bi hev re ji bo xebata xurtkirina gotareke medyayî ya profesyonal ku li gori sincên pişeyi xizmeti berjewendiya giştî bike, bimeşînin.
- Navenda Mitro a Parastina Mafên Rojnamevanan piştgiriya hiner û pîşeyi ji bo YRA peyda bike û hewl bide ku çavkaniyên zêde bi hevrêziya bi aliyên pêwendîdar re, li gori derfetên berdest, dabin bike.
Ev rêkeftin di demekê de tê ku hewcedariyek zêde bi misogerkirina hawîrdorek ragihandinê ya ewle heye, ku ev yek dibe alîkar ku rola ragihandinê wekî çavdêrek serbixwe ku piştgirîya nirxên demokrasî û mafên mirovan dike, xurt bike.
