Esmihan Gedro/Qamişlo
Meclisa Civaka Ermenî û Partiya Yekîtiya Ermenî derbarê salvegera 111`an komkujiya ku li ser Ermeniyan hatibû kirin li Parka Xwendinê ya bajarê Qamişlo semînerek da.
Meclisa Civaka Ermenî û Partiya Yekîtiya Ermenî ji bo salvegera 111`emîn komkujiya ku li ser Ermeniyan li Parka Xwendinê ya Qamişlo semînerek da. Herwiha di semînerê de saziyên Ermenî û Meclisa Jin ya Sûrî amade bûn. Berî ku semîner dest pê bike deqeyek bêdengiyê li ser rihê şehîdan hate rawestandin.
Di semînerê de behsa komkujiya li ser Ermeniyan hat kirin herwiha di vê rojê te çiqas Ermen hatin kuştin û ji aliyê kê ve ev hatin qirkirin û radeya wêrankirina bi ser Ermeniyan ve hatibû kirin hat şîrove kirin.
Piştre ji aliyê lêkolîner Hena Sûmî ve semîner hate birêve birin û wiha axivî:” Semîner ji sê mijaran pêktê ya yekem li ser Kemal Sultan Ebid
Hemîd ji 1877`an hatanî 1908`di navbera van dîrokan de komkujiyên ku hatine kirin belkî ne gelek in lê 300 hezar kes di vê rojê de bi navê Mislumantiyê hatine kuştin. Piştî wê di 1909’an ji 1918’an ve bi navê qirkirina li ser tevahî Ermeniyan ne. Herwiha kuştina ku hatiye kirin melyon û nîv kes tê de canê xwe ji dest da.
Mijara sêyem ya Kemel Turk ew jî di 1918 heta 1923`an di bin destê Peymana Lozanê de bi destê dewletên mezin Ermenî hatin kuştin
Herwiha ne tenê kuştin û wêrankirin li ser van kesan dikirin. Di sala 1920`an de jî şerê Ezirbîcan û Tirkan heta 1923`an bi sitandina Ersax re 120 hezar Ermenî li Ersaxê hatin kuştin. Lê divê têkoşîna gelê Ermen a ji bo naskirina jenosîdê dozeke mirovî be û bîranîna vê boneyê dihêle ku siberoja gelan were parastin û rê li ber trajediyan bê girtin. Gerek sûcên ku di wê rojê de hatine kirin, li ser gelê Ermen werin belgekirin, komkujiya li dijî Ermenan di qada nevneteweyî de werin naskirin.
Semîner bi nêrîna beşdaran hat bidawî kirin.
