Stêrk Mihemed/Qamişlo
Di çarçoveya pêvajoya entegrasyonê û pêkanîna Peymana 29’ê Çileyê de, îro Partiya Yekitiya Demokratîk (PYD) li navenda xwe ya li Qamişloyê, bi şandeyeke siyasî ya hikumeta demkî re civiya.
Îro li bajarê Qamişlo li Navenda Partiya Yekîtiya Demokratîk (PYD) şandeyek ji rêveberiya xweser, hikumeta demkî ya Sûriyê û berpirsyarên PYD’ê re civiyan.
Şandeya hikumeta demkî ji serokê Nivîsgeha Siyasî ya Parêzgeha Hesekê Oseme Şêx Elî, hevserokên Meclisa Rêveber a Kantona Cizîrê Viviyan Beho û Hesen Şero û şêwirmenda Rêveberiya Xweser Jiyan Hesen pêk tê. Şande ji hêla hevserokê PYD’ê Xerîb Hiso, endama Desteya Hevserokatiyê ya PYD’ê Foza Yûsiv û hevserokên Nivîsgeha Têkiliyên Giştî ya PYD’ê Sema Bekdaş û Silêman Ereb ve hat pêşwazîkirin. Hejmarek ji malbatên dîlgirtiyan derbasî gel şandeyê bû. Kombûna vê şandeyê di çarçoveya nîqaşkirina dosya hilbijartina Meclîsa gel de bû.
Piştî civîna di navbera şandeya hikumeta demkî a sûriyê, Rêveberiya Xweser û nûnerên PYD’ê de bi dawî bû, daxuyanî ji aliyê Hevserokê PYD’ê Xerîb Hiso û Rêveberê Nivîsgeha Siyasî ya Parêzgeha Hesekê Oseme Şêx Elî hat dayîn.
Hevserokê PYD’ê Xerîb Hiso diyar kir ku cara yekemîne ku serdanek bi vî rengî pêk tê ji aliyê heyete siyasî a hikumeta demkî a Sûriyê de. “Em vê gaveke erênê dibînin, cara yekemîne ku di dîroka Sûriyê de ev gav tê avêtin. Em hêvî dikin li ser esasê vê gave hîn gavên zêdetir werin avêtin. Me di nîqaşa xwe de li ser rewşa Sûriyê, pirrengiya di hundirê Sûriyê û aliyê zagonî bibîrxist. Herwiha wê sardana tevahî partiyên siyasî were kirin û zagonên partiyan derkevin da ku bi awayekî rast karê xwe bimeşînin. Ji bo hilbijartinê komîteyên hkumeta demkî hene, ev heyeteke siyasî bû ji bo pêşeroja Sûriyê wê di emê pêş de daxuyanî were dayîn. Mîjarê hilbijartinê hate nîqaşkirin wê di demê pêş de were amadekirin. Herwiha bi malbetê dîlgirtiyan re jî tevdîtin kirin da ku di demê pêş de werin berdan.”
Herwiha Rêveberê Nivîsgeha Siyasî ya Parêzgeha Hesekê Oseme Şêx Elî axivî û wiha got: “ Ev cara yekemîne em weke Rêveberê Nivîsgeha Siyasî ya Parêzgeha Hesekê sardana partiyê siyasî PYD’ê dikin, em hewaldidin ku pêvajoyeke nû li Sûriyê û parêzgeha Hesekê destpêbikin. Ev pêvajo bi navê avakirina çandek nû, siyaseteke nû li ser esasê diyaloq, nîqaşa ji bo tevahî girîngiya gelê Sûriyê bi tevahî pêkhateyan. Ev sardana yekemîne û wê berdewam bike. Ev ê bingehek jo bo avakirina Sûriyek nû û dest bi dest.”
