Solîn Mihemed/ Qamişlo
Bi boneya Çilrojiya şehadeta têkoşer û endamê Desteya Hevserokatiya Rêveber a PYD’ê Salih Muslim, Partiya Yekîtiya Demokratîk PYD’ê li goristana Şehîd Delîl Saroxan a bajarê Qamişlo merasîmeke bîranînê li dar xist.
Ji bo bîranîna Şehîd Salih Muslim, Partiya Yekîtiya Demokratîk PYD’ê merasîma 40 rojiyê Şehîd li Goristana Şehîd Delîl Saroxan ya li bajarê Qamişlo li dar xist.
Di bîranînê de şêneyên bajarê Qamişlo, endamên PYD’ê, endamên sazî û dezdgehên Rêveberiya Xweser û kesayetên civakî û siyasî amade bûn.
Merasîm bi deqeyek rêzgirtin li ser giyanê şehîdan hat destpêkirin.
Piştire sînvizyonek li ser jiyana şehîd Salih Muslim hat pêşkêşkirin.
Paşê li ser navê Meclisa Malbatên Şehîdan Mihemed Cemîl axivî û wiha got: “40 roj di ser şehadeta Salih Muslim re derbas dibe, em tu carî tekoşîn û keda wî jibîr nakin û heya dawiyê em ê li ser şopa wî bin.”
Piştire li ser navê Partiya Yekîtiya Demokratîk PYD’ê Silêman Ereb axivî û wiha got: “Em di 40 rojiya Şehîd Salih Muslim de wî bibîr tînin. Îro roj şehîd Salih Muslim bi keda xwe, xwe da pênasekirin û bû xwedî cihekî taybet di nava civakê. Ji bo wê em ê heya dawiyê şopedarê riya wî bin.”
Li ser navê Meclisa Sûriya Demokratîk jî Xebat axivî û wiha got: “Îro em jî wek Meclisa Sûriya Demokratî Salih Muslim bibîr tînin û em dibêjin ku bi saya wî gelek tişt di nava civakê de hatin guhertin û bipêşxistin. Ew ne tenê kesayetek bû lê belê ew wek fermandarekî û kesayetekî xuya di tevahiya Cîhanê de bû.”
Paşê jî li ser navê Kongra Star Gulîstan Gulo axivî û got: “Di şexsê Salih Muslim de bavê Welat û tevahî şehîdên Tevgera Azadiyê wan bibîr tînin û bejina xwe li hember ked û tekoşîna wan ditewînin. Ji bo çilrojiya Salih Muslim em careke din sersaxiyê ji malbat, heval û kesên hazir re dixwazin. Salih Muslim ji bo civak û doza Kurdî tekoşîn kiriye. Ji bo em doza Salih Muslim û tevahî şehîdan bişopînin gerek tişta ku bikeve ser milê me em bikin.”
Paşê jî li ser navê Tev-Çandê Kurdiyar Dirayî wiha got: “Şehîd Salih Muslim xwedî cihekî xwe yê pir mezin di nava şoreşa Rojava de bû. Ji bo wê em îro têkoşer û kesayetê mezin Salih Muslim bibîr tînin û em sipasiya her kesekî ku di bîranîna wî de hazir bû dikin.”
