Esmêhan Gedro/Qamişlo
Beşa parastina şînatiyan li kantona Cizîrê ku bi hevkariya Meclisa Aborî û Çandiniyê serdanên meydanî li zeviyên genim ên gundewarê bajarê Qamişlo pêkanîne, diyar kir ku wan di hin zeviyan de kêzikên ziyandar dîtine û bang li cotkaran kir ku tedbîrên pêwîst wergirin.
Bi armanca şopandina rewşa zeviyan li kantona Cizîrê, Beşa Parastina Şînatiyan li kantona Cizîrê bi hevkariya Meclisa Aborî û Çandiniyê serdanên meydanî li zeviyên genim ên gundewarê bajarê Qamişlo pêk anîn. Li gorî wan di çend zeviyan de kêzikên ziyandar hatine dîtin, ji ber wê jî beşa parastina şînatiyan bang li cotkaran kir ku rênimayan pêwîst bişopînin û tedbîrên wergirin, da ku cotkar kalîteya berhemên xwe û asta hilberînê biparêzin.
Komîteya Çandinî û Ajaldariyê ya kantona Cizîrê destnîşan kiriye ku tevahiya rûbera destûrdayî ji bo genimê avî di demsala çandiniyê ya heyî de ye di çarçoveya rêxistina çandiniyê de ku heta 15`ê Çileya 2026`an berdewam kir, gihîştiye nêzîkî milyonek û sê sed hezar donim, herwiha di vê demê de 23 hezar û 363 serlêdanên çandiniyê hatine tomarkirin. Wekî beşek ji çavdêriya berdewam a berhemên stratejîk, Komîteya Çandinî û Ajaldariyê, bi hevkariya Daîreyên Hilberîna û Parastina Şînatiyan, serdanên zeviyan li bajar û bajarokên Hesekê û Qamişlo berdewam dike. Armanc nirxandina rewşa heyî ya mezinbûna berhema genim e û rêbernameya teknîkî ya pêwîst ji cotkaran re peyda dike. Komîteyê ragihand ku berhema genim niha di qonaxa dirêjkirinê de ye, qonaxek girîng di çerxa mezinbûna şînatiyê de ku di dema wê de qurm dest bi dirêjbûnê dike û nîşanên erênî yên pêşketina berhemê nîşan dide.
Serdanên zeviyên genim yên kantona Cizîrê
Beşêa parastina şînatiyan di serdanên xwe yên zeviyan de, derketina hin kêzikan bi taybetî kurmê stûna genim, dîtin. Ji bo sînordarkirina belavbûna kêzikên ziyandar û misogerkirina mezinbûna saxlem a berdewam a berhemê, rêzek rêbernameyên pêşîlêgirtin û dermankirinê ji cotkaran re hatin dayîn. Komîteyên çandiniyê piştrast dikin ku ev serdanên zeviyan dê di serdema pêş de jî berdewam bikin, da ku piştgirîya cotkaran bikin û berhema genim a herî baş bi dest bixin, bi vî rengî beşdarî xurtkirina ewlehiya xwarinê li herêmê bibin.
Gera li nav zeviyan ji bo nirxandina rewşa giştî ya berhema genim
Beşa parastina şînatiyan a Komîteya Çandiniyê li kantona Cizîrê, bi hevrêziya şaxên xwe yên di komîteyan û yekîneyên berfirehkirinê de, gera li nav zeviyan pêk anî, ku hejmarek zeviyên genim li bajarên Qamişlo û Hesekê di nav xwe de digirt. Armanca vê gerê nirxandina rewşa giştî ya berhemên zivistanê, nemaze genim, bi çavdêriya rasterast a rewşa wan di zeviyan de û herwiha şopandina qonaxên mezinbûna wan û destnîşankirina pirsgirêkên herî girîng ên ku ew dikarin pê re rû bi rû bimînin.
Beşa parastinê diyar kir ku di dema gerê de li ser tespîtkirina zû ya nexweşî û ziyandarên çandiniyê yên ku dikarin bandorê li hilberînê bikin, nemaze di bin şert û mercên avhewayê yên heyî de. Wê girîngiya van geran di piştgiriya cotkaran û peydakirina rêbernameya pêwîst ji bo parastina berheman û baştirkirina hilberînê de.
Ev hewldan beşek ji çavdêriya berdewam a sektora çandiniyê û xurtkirina tedbîrên pêşîlêgirtinê ne ku beşdarî parastina berhemên stratejîk ên li herêmê dibin.
