Esmihan Gedro/Qamişlo
Kongreya îslama demokratîk, di çarçoveya xebatên xwe yên ji bo pêşxistina hevgirtina cîvakî û xurtkirina têkiliyên mirovî yên li ser bingehên hevbeş semînerek gotûbêjê bi sernavê” Bi hev re ji bo avakirina civakeke demokratîk a hevgirtî” li dar xistin.
Kongreya îslama demokratîk, di çarçoveya xebatên xwe yên ji bo pêşxistina hevgirtina civakî û xurtkirina têkiliyên mirovî yên li ser bingehên hevbeş panêlek bi sernavê”Bi hev re ji bo avakirina civakeke demokratîk a hevgirtî li hola Zana ya bajarê Qamişlo hat li dar xistin.
Herwiha di panêlê de Kongreya îslama demokratîk di rojavayê kurdistanê de,kesayetên olî, Rewşenbîr, nivîskar, Kongra star, malbatên şehîdan, partiyên siyasî, rêxistinên civakî û saziyên rêveberiya xweser amade bûn. panêl bi deqeyeke rêzgirtin li ser rihê şehîdan hat rawestandin, piştre dest bi panêlê kirin.
panêl ji aliyê sê kesan ve hate dayîn li ser navê Hevserokê Kongreya Îslama demokratîk Sêdam Mele Mihemedê Xerzî, hevseroka îslama demokratîk mamoste Evîn El Hecî, endama komîteya rêveber ya Kongreya îslama demokratîk Şêx Suleymen Ehmed Elî ve panêl hat dayîn.
Mijara yekem ji aliyê Sêdam Mele Mihemed Xerzê ve hate dayîn a cudahiya di navbera îslama demokratîk û desthilatdarî de hate xwendin.
Sêdam Mihemed da zanîn ku pêwendiyên di navbera Îslam û siyasetê de yek ji mijarên herî aloz û hesas di cîhana misliman de dimîne û wiha axivî:”Cudahiyeke bingehîn di navbera Îslamê de wekî peymaneke îlahî ku ji bo bextewariya mirovan vekirî ye û di îslama desthilatdar ya sultewî de heye. Li ser tiştê ku serwer dike mizgîn bide. Îslama demokratîk ewe ku hikumdar wekî xizmet karekî û berpirsyarê milet, dadweriyê wekî serbixwe dibîne. Herwiha maf ji bo hemûyan gerantî dike. Îslama Demokratîk wê fikrê red dike ku demokrasiya olî li dijî olê ye. Ji ber ku ew di rastiyê de ji sîstemên zordarî û despotîzmê nêzîktirî ruhê Îslamê ye û demokrasî mekanîzmayeke mirovî ye ku bi şêwirmendiyê û edaletê re hevaheng e. Di Îslama demokratîk de, mirov hemwelatiyên xwedî maf û erkên wekhev in, Misilman û nemisilman. Di Îslama desthilatdariyê de mirov bindestê hukumdar in, û ji bilî tiştên ku ew dide wan tu maf ji wan re nînin. Herwiha Îslama desthilatdariyê zordariyê rewa dike û desthilatdariyê dirêj dike.”
Piştre ji aliyê Evîn El Hecî ve mijara “jin malpera ol û di navbera qanûn û rastiyê de” xwend û behsa rola jinê di
îslam û qanûnên rastiyê ya heyî de kir. Her wiha mijara sêyem ji aliyê Şêx Suleyemen Ehmed ve li ser “Stûn bingeha avakirin û hevgirtina civakî di nêrîna Îslamî demokratîk de nemûne” hate xwendin.
Panêl bi tevlîbûn û nêrîna beşdaran ve hate bidawî kirin.
