Esmehan Gedro/Qamişlo
Meclisa Jinên Sûriyeyê bi sernavê “Çîrokên Kulîlkan”, li Parka Xwendinê ya bajarê Qamişlo panelek li dar xist û tê de çîrokên çar jinên serkeftî hatin vegotin.
Meclisa jinên Sûriyeyê îro panêleke bi sernavê”Çîrokên Kulîlkan” li parka xwendinê ya bajarê Qamişlo li dar xist. Di çalakiyê de jinên saziyan, partiyên siyasî, saziyên civaka sivîl û kesayetên serbixwe amade bûn.
Panel li ser çêroka çar jinan bû ku li hemberî hemû astengiyan serkeftin qezenc kirin, li hemberê êş û zehmetiyan rêya xwe bêrawestandin dewam kirin û di nava civaka xwe de bi rola xwe rabûn.
Di destpêkê de jina bi navê Nedîya Bozo ku ji bajarê Amûdê ye çîroka xwe wiha anî ziman: “Destpêkê ez spasiya Meclîsa Jinên Sûriyeyê dikim ji ber ku ev panel li dar xist û em weke jin beşdarî “Çîrokên Kulîlkan” kirin. Ji ber piçbûna lingan ez 8 salan li erdê mam, ji ber wê min nikarîbû tevgerê bikim an bimeşim. Lê tevî ku ez ji lingên xwe pûç bûm, min têkiliyên xwe bi civakê re qût nekirin û ez ji malê derdiketim tevî hemû êş û zemetiyan. Ji ber ku min tu çareserî ji astengdarbûna xwe re nedît min nikarî xwendina xwe jî berdewam bikim û xewnên xwe pêk bênim. Lê piştre min navê xwe dîsa li dibistanê tomar kir û dest bi xwendinê kir û ez derbasî beşa mafnasiyê bûm. Min gelekî zehmetî ji astengiya pûçbûna lingê xwe dît. Niha jî ez di pirojeyeke civakî de kar dikim û ji bûna min cihê şanaziyê ye ku ez tevî her êşê kar dikim.” . Piştre her sê jinên din jî çîrokên xwe vegotin.
Jinên beşdar jî nêrînên xwe anîn ziman û diyar kirin ku hêza jinan ji tevahî asengiyan xurtire.
Ji aliyê xwe ve Meclisa Jinên Sûriyeyê jî tekez kir ku ew ê çalakiyên ji bo jinan berdewam bikin û hewil bidin ku jin her tim serkeftinan bi dest bixin. ne.
