Navenda Nûçeyan
Çavkaniyên Îsraîlî diyar kir ku DYA’yê bi awayekî rasterast destwerdan kir, êrişa Îsraîlê li dijî deriyê El Mesne yê di navbera Sûriye û Lubnanê de rawestand û plana Îsraîlê ya kişandina Sûriyê li nava şerê li dijî Hizbulllaha Lubnanê asteng kir. Li hêleke din wezîrê Parastinê yê Amerîkayê Pete Hegseth gef li Îranê xwar ku wê Îran rûbirûyî hejmara herî mezin a êrişên leşkerî be
Çavkaniyên siyasî yên Îsraîlî diyar kir ku Dewletên Yekbûyî yên Amerîkayê (DYA) êrişa Îsraîlê li dijî deriyê El Mesne yê di navbera Sûriye û Lubnanê de asteng kir, plana kişandina Sûriyê nava şerê li dijî Hizbullahê rawestand.
Radyoya Îsraîlê destnîşan kir ku piştî demeke kurt ji daxuyaniya berdevkê artêşa Îsraîlê ya bi zimanê Erebî ku dibêje beriya êrişkirinê deriyê sînor vala bikin, Rêveberiya Amerîkayê ji serokwezîrê Îsraîlê Benjamin Netanyahu daxwaz kir ku vê êrişê bisekinîne.
Artêşa Îsraîlê bi hinceta Hizbullah derî û rêya lez a M30 ya li derdorê ji bo armancên leşkerî bi kar tîne êrişên deverên li nêzî deriyê kiribû û got ew amadekariya êrişî derî dike û ji kesên li wir xwest ku wir vala bikin.
Raporekê bi bîr xist ku Îsraîlê daxwaz ji DYA’yê xwestiye ku ji ber sedemên siyasî êrişa li dijî derî taloq bike û mijarê ji rayedarên ewlehiyê yên Sûrî yên ji ber serok Ehmed El Şeri ve dixebitin re bihêle.
Radyoya Îsraîlê ku agahiyên xwe dispêre çavkaniyekî da zanîn ku têkildarî mijarê hikumeta demkî ya Sûriyê ji Amerîkayiyan re gotiye ew li dijî Hizbullahê dixebitin û wan di rojên borî de hewlên qaçaxîkirina çekan ji Sûriyê ber bi Lubnanê ve têkbirine.
Lê hin çavkaniyên dîtir anî ziman ku armanca rast ew e ku zext li Şamê were kirin ku bikeve nava şer. Ev jî dişibihe ew tecrûbeya ku Îsraîlê di 1976’an de rê daye 20 hezar leşkerên artêşa Sûriyê ku derbasî Lubnanê bibe, bi wê re trajediyeke biêş ji Lubnaniyan re çêkir.
Li gorî çavkaniyên ji rojnameya Îsraîlî Maariv re gotine, Îsraîl diyar dike ku têkçûna berdewam a Lubnanê di rûbirûbûna Hizbullahê de, windakirina baweriya Amerîka û Rojavayî bi saziyên dewleta Lubnanê, têrê dikin ku rewşeke herêmî ya nû were avakirin, Îsraîl û rejîma Sûriyê ya nû ji bo parvekirina berpirsiyariyên ewlehiyê li Lubnanê lihev bikin.
Di çarçoveya êrişên ku li herêma rûdidin de, tekez e ku êrişên li ser Hizbullahê bi şerê DAY-Israîlê li ser Îranê ve girêdayî ye, rawestandina plana Israîl ji bo Hizbullahê armanc jê ew e ku hêzekeke mezin a êrişan a Israîlî, Îranê bike armanc.
Ji ber vê yekê jî wezîrê Parastinê yê Amerîkayê Pete Hegseth di heman roja danîna vê planê de ango 6’ê Nîsanê de, gef li Îranê xwar ku îro wê Îran rûbirûyî hejmara herî mezin a êrişên leşkerî be.
Hegseth got, “Îro (duşem), wê li dijî Îranê ji roja yekemîn zêdetir hejmara êrişan mezintir be” û wê sibe hîna zêdetir be.
