Lîloz Hisên/Qamişlo
Ji bo wergirtina serlêdanan ji bo dayîna hemwelatîbûnê ji kesên bê nasname re di çarçoveya fermana 13’an, proseya serlêdanan li stadyûma 12’ê Adarê li bajarê Qamişlo destpê kir.
Bi dehan ji şêniyên bajarê Qamişlo yên ku bê nasname ne roja duşemê di dêroka 2026-4-6 berê xwe dan stadyûma 12’ê Adarê ya bajarê Qamişlo, da ku serlêdanên ji bo dayîna hemwelatîbûnê tomar bikin, di çarçoveya pêkanîna fermana 13’an ya girêdayî mafê kurdên li Sûriyê. Fermana 13’an bi awayekî taybet kesên ku bi dehên salan bê nasname di nava Sûriyê de jiyan dikin, hedef digre.
Piştî zêdetirî salek û nîv li ser girtina navendên nifûsê li kantona Cizîrê, îro yekemîn car e deriyê nifûsê hat vekirin, da ku kesên bê nasname û ji mafê hemwelatîbûnê bi sala bê par mabûn, di dewletê de dîsa werin tomar kirin.
Tomarkirin wê mehekê dirêj bike
Ji bo ku hemû welatî jê sûd bigirin, deriyê serlêdanan mehekê dirêk dike, dibe ku bê dirêj kirin li gorî bidawîbûna hemû daxwazên serlêdanê, tomar kirin dê ji seat 9’ê sibehê heya 3’ê nîvro berdewam bike.
Kaxizên ku tê xwestin ji bo tormarkirinê ev in:
Şehadeyeke naskirinê ji cem Muxtar herwiha wêneyek ji nasnameya şahîdan û îsbata cihê ku lê dijî, wêneyek heman wêneyên şahîdan. Wekî din belgeyek tê xwestin da ku bibe alîkar di tekezkirina daxwazê wekî(Fatoreya Elktrîk an avê) ev kaxiz di nav kîseke naylon de têne danîn.
