Hêvî Keleş/ Qamişlo
Malbatên dîlgirtiyan li Qamişloyê meşek girseyî li dar xistin û daxwaza berdana hemû girtiyên ku di destê Hikûmeta Demkî ya Sûriyeyê de ne kirin. Meş ji Stadyuma Şehîdên 12’ê Adarê dest pê kir û ber bi Çarxerêya Siyahî ve çû.
Îro li bajarê Qamişlo malbatên dîlgirtiyan meşek li dar xistin da ku daxwaza berdana hemû dîlgirtiyên ku ji aliyê Hikûmeta Demkî ya Sûriyeyê ve têne girtin bikin. Meş saet 11:00’ê sibê bi beşdarbûna girseyek ji gel û malbatên dîlgirtiyan li ber Stadyuma Şehîdên 12’ê Adarê dest pê kir û ber bi Çerxerêya Siyahî ve çû. Ev çalakî beşek ji zêdebûna tevgerên gelêrî ye ji bo zextkirina li ser rayedaran da ku çarenûsa girtiyan eşkere bikin û edaletê pêk bînin.
Armanca meşê ew e ku pêwîstiya lezgîn a berdana hemû dîlgirtiyan û eşkerekirina çarenûsa windayan tekez bike, di heman demê de rayedarên peywendîdar ji bo ewlehiya wan berpirsiyariyê bigirin. Malbatên dîlgirtiyan tekez kirin ku xwepêşandanên xwe wê berdewam bikin heta ku daxwazên wan werin bicîhanîn, herwiha bang li rêxistinên mafên mirovan kirin ku mudaxele bikin û zextê li ser vê mijarê bikin.
Di demên dawî de li bajarên Rojavayê Kurdistanê xwepêşandanên gelêrî yên ku daxwaza bidawîanîna girtina dîlgirtiyan, di nav êşa malbatên dîlgirtiyan û nebûna agahdariya zelal a di derbarê başiya ewlehiya wan de, zêdebûnek çêbûye.
