Navenda Nûçeyan
Cîgirê Fermandarê Giştî yê Hêzên Ewlekariya Hundirîn ên Parêzgeha Hesekê Mehmûd Xelîl ragihand ku karwanê duyem ê koçberên ji Efrînê dê sibê ber cih û warên xwe ve têkeve rê.
Cîgirê Fermandarê Giştî yê Hêzên Ewlekarya Hundirîn ên Parêzgeha Hesekê Mehmûd xelîl li ser hesabê yê X`ê daxuyanek da û cih û demê birêketina karwanê duyem ê koçberên Efrînê eşkere kir.
Daxuyanî wiya ye:
“Di çarşoveya pêkanîna berpirsiyariya me ya mîrovî û erkê me yê neteweyî li hemberî gelê me û ji bo dewamkirina hewldanên ji bo birêxistinkirina vegera koçberan, dê karwanê duyem ên xelkên me yê koçber ber bi Efrînê ve were rêkirin.
Ev gav di çarçoveya lihevhatinên ku berê hatine kirin de pêk tê, bi taybet piştî nirxandina erênî ya vegera karwanê yekem yê ku bi ewle li cih û warên xwe bi cih bûn .
Karwanê ku ji 200 malbatan pêk tê, dê sibê demjimêr 06.00 sibehê li Çarxerêya Şehîd Yûsif Gulo li bajarê Qamişlo kom bibin û ji wir di riya M4`ê re berê xwe didin bajarê Efrînê.
Em piştrast dikin ku em ê xebata ji bo vegereke bi ewle û rêxistinkirî ya hemû xelkên me, berdwam bikin. Em ji gelê xwe yê ku navê xwe di nav vê karwanê de qeyd kirina ku di dema diyarkirî de li cihê hatiye diyarkirin bin da ku karwan li gorî bernameya hatiye dayin bi rê bikeve. Em hêviya Selametiyî û ewlehiyê ji bo wan dixwazin .”
