Esmihan Gedro/Qamişlo
Malbatên şervanên dîlgirtiyan bi xwepêşandanan li çerxereya sûnî daxwaza berdana dîlgirtiyên xwe kirin.
Malbatên şervanên dîlgirtiyan îro bi xwepêşandanêrn mezin li ba çerxereya sûnî daxwaza zarokên xwe yên ku ev bûye zêdetirî sê mehan e ku di şerê Şêxmeqsûd, Tebqa û Reqayê de ji aliyê êrîşên hikumeta demikî ya şamê ve dîl hatine girtin kirin.
Di encama êrişên hikumeta demkî ya Şamê li ser şervanên QSD’ê bi dehan şervan hatin dîl girtin. Malbatên girtiyan yên bajarê Qamişlo êşek mezin li ser girtina zarokên xwe dijîn. Ew rojane derdikevin kolanên bajar bi silogan û bilindkirina wêneyên zarokên xwe, li ber deriyên hemû meclisan û hemû rêxistinên mafên mirovan daxwaza edalet û berdana zarokên xwe dikin.
Bi dehan malbatên dîlgirtiyan li pêşiya çerxereya sûnî ya bajarê Qamişlo bang li hemû rêxistinên mafê mirovan kirin û daxwaza berdana zarok û neviyên xwe kirin. Di pankêrtên ku di destê wan de banga Em esîrên xwe dixwazin, esîrên me xeta sor in hatin bilind kirin. Beriya çend heftan beşek ji dîlgirtiyan ji aliyê hikumeta demikî ya şamê ve hate berdan lê hîna jî beşek ji dîlgirtiyên din nehatine berdan û aqûbeta wan ne diyare.
Piştre li ser nave Rêveberê Weqfa Kurd a bê Sînor Kadar Bêrî axivî:”Ev protesto wekî nameyeke ji bo hikumeta demkî ya şamê ye da ku berpirsyartiya xwe bi cih bîne, di dosyayên dîlgirtiya ji ber ku ew dosyayeke mirovî ye. Ji ber ku hikumeta pabendî bi peymana vekişînê ya wê demê nebûn. Şervanên me bi xiyanetî hatin dîlgirtin û gelek jî gihaştin asta şehadetê. Divê hikumeta şamê ya demikî di serî de dîlgirtiyan berde, eger niyeta wê ya entergrasyonê baş be lazime gavên erenî bavêje.”
