Solîn Mihemed/ Qamişlo
Koma şehîd jiyan komeke ku di warê govend, folklor, muzîk û carinan jî di warê şanoyê de çalak e û herwiha ev kom her tim bi bernameyên xwe yên xweş tevlî şahî û fistîvalan dibin.
Dema ku em behsa komên hunerî yên kurdî dikin, em behsa parastina nasname û çandê dikin. Di çanda kurdî de govend, muzîk û şano ne tenê huner in, lê belê nîşaneya man û nemanê ne.
Koma şehîd Jiyan
Weke gelek komên hunerî yên li Rojavayê Kurdistanê, Koma Şehîd Jiyan ya li bajarê Qamişlo di encama Şoreşa 19’ê Tîrmiha 2012’ bi pêşengtiya Tevgera Çand û Hunerê TEV-ÇAND’ê hate damezrandin. Koma şehîd Jiyan piştî sala 2012’an di dema ku saziyên çandî yên Kurdî li Qamişlo bi fermî û bi awayekî azad dest bi xebatên xwe kirin, ev kom hate avakirin. Herwiha ev Kom navê xwe ji şehîdeke şoreşê bi piranî Şehîd Jiyan Tolhildan an şehîdên bi navê Jiyan digire. Ev wekî rêzeke ji bo bîranîna têkoşeran di nava hunerê de tê dîtin. Di heman demê de ev Kom Ji bo parastina folklora Kurdî bi taybet govend û stranên herêma Cizîrê û perwerdekirina zarok û ciwanên Qamişlo di bin sîwana Navenda Mihemed Şêxo de hatiye rêxistinkirin.
Li bajarê Qamişlo, komeke taybet bi navê “Koma Şehîd Jiyan” bi piranî di çarçoveya xebatên çandî û hunerî yên şoreşgerî de tê naskirin. Ev kom li ser bingeha parastina mîrateya çandî ya Kurdî û pêşxistina hunera li herêmê hatiye avakirin. Ev kom beşeke ji Tevgera Çand û Hunera Demokratîk TEV-ÇAND’ê ya li bajarê Qamişlo ye. Koma şehîd Jiyan Xebatên xwe herî zêde li Navenda Mihemed Şêxo ya Çand û Hunerê dimeşînin. Koma Şehîd Jiyan bi taybetî di warê govend, folklor, muzîk û carinan jî di warê şanoyê de çalak e.
Armanca sereke ya koma şehîd jiyan
Armanca sereke ya komê zindîkirina çanda Kurdî û perwerdekirina ciwanan e. Ev kom di şevbuhêrk, festîvalên herêmî û pîrozbahiyên neteweyî weke cejina Newrozê de li Qamişlo derdikevin ser dikê. Her tim hewildanên xwe dikin da ku bernameyên xwe xweş derbixin û milet ji bernameyên wan hez bikin.
Di koma şehîd jiyan de endam bi demê re têne guhertin. Gelek endamên komê keç û kur ji bo bernameyên xwe hazir bikin li Navenda Mihemed Şêxo ya li bajarê Qamişlo perwerdeya xwe distînin. Her wiha endamên Komê ji aliyê mamosteyên pispor ên TEV-ÇAND’ê ve tê birêvebirin û perwerdekirin. Koma şehîd jiyan bi bernameyên xwe yên xweş her tim tevlî fistîval û şahiyan dibin. Kom şehîd jiyan herî zêde bi leyiztina govendên resen ên herêma Cizîrê weke Şêxanî, Baxiye û Giranî tê naskirin. Ew bi awayekî profesyonel hunera govendê diparêzin. Di hemû derketinên wan li ser dikê de, endamên komê bi cil û bergên Kurdî yên rengîn û gelerî balê dikşînin, ku ev yek nîşaneya girêdana wan a bi çandê re ye.
