Navenda Nûçeyan
37 partî û tevgerên siyasî û rêxistinî yên li Sûriyeyê bi daxuyaniyeke hevbeş êrişa li ser mala Serokê Herêma Federal a Kurdistanê Nêçîrvan Barzanî şermezar kir û piştgiriya xwe bi gelê Başûrê re anî ziman.
37 partî û tevgerên siyasî û rêxistinî yên li Sûriyeyê der barê êrişa li ser mala serokê Herêma Federal a Başûrê Kurdistanê Nêçîrvan Barzanî de daxuyaniyek hevbeş da.
Di daxuyaniyê de êrişa li ser mala Nêçîrvan Barzanî bi tundî hat şermezarkirin û hate gotin, ev êriş xelekek nû ji bandorên şerê herêmî yê di navbera Îsraîl-DYA û Îranê de ye.
Di dewama daxuyaniyê de hate diyarkirin ku şerê di navbera pergalan de her çiqasî hin aliyên pergalên despotik lawaz dike jî, lê di heman demê xetereyeke mezin li ser jiyana gelan çêdike û ewlehiya herêmê bi hilweşînê re rû bi rû dihêle.
Di daxuyaniyê de hate destnîşankirin ku ji aliyê kê dibe bila bibe, hedefkirina herêmên niştecihan û sivîlan karekî terorî ye û bi hincetên siyasî an leşkerî nayên rewakirin.
Di daxuuyaniyê de êrişên li ser sivîlan hatin şermezarkirin û hate destnîşankirin ku ev êriş binpêkirineke mezin a hemû nirxên mirovî û pîvanên navneteweyî ye.
Partî û tevgerên daxuyanî dane, silametî ji Nêçîrvan Barzanî û malbata wî û tevahî gelê Başûrê Kurdistanê re hêvî kir û peyama piştgiriyê da gelê Başûr.
Di daxuyaniyê de hate gotin: “Gelê Sûriyeyê yê ku rojane berdêlên şerên herêmê dide, dizane ku aştiya rasteqîn tenê bi qedandina siyasetên rageşî û destwerdanên derve, bi avakirina têkiliyên xwişk û biratiyê û tevekariyê ya di navbera pêkhateyên herêmê de, her wiha bi rêzdarî û naskirina mafên rewa yên gelan, pêkan e.”
Partiyên daxuyanî dane ev:
1-Kongreya Neteweyî ya Kurdistanê (KNK)
2-Partiya Yekitiya Demokratîk (PYD)
3-Partiya Kesk a Demokrat
4-Partiya Aştiya Demokrat a Kurdistanê
5-Partiya Ermenî
6-Partiya Komunîst a Kurdistanê
7-Partiya Demokrat a Kurdistan- Sûriye (PDK-S)
8-Partiya Demokrat a Kurdî ya Sûriye
9-Partiya Çep a Kurd li Sûriyê
10-Partiya Çep a Demokrat a Kurd li Sûriyê
11-Partiya Sûriyeya Pêşerojê
12-Partiya Guhertina Demoqrat a Kurdistanê
13-Tevgera Nûjen a Kurdistanê-Sûriya
14-Yekitiya Karkerên Kurdistanê (YKK)
15-Heyee El Weteniye El Erebiye (Desteya Nîştimanî ya Erebî)
16-Partiya Pêşxistin û Avakirin a Sûriyeyê
17-Partiya Rêkeftina Demokrat a Kurdî li Sûriyê
18-Tevgera Îslah- Sûriyeyê
19-Partiya Asûrî ya Demokrat
20-Partiya Biratiya Kurdistan (PBK)
21-Partiya Roj a Demokratîk li Sûriyê
22-Tevgera Civaka Demokratîk (TEV-DEM)
23-Kongra Star
24-Partiya Muhafizkaran
25-Partiya Têkoşîna Demokrat
26-Şepêla Pêşeroj a Kurdistanê
27-Partiya Demokrat a Kurdistanê-Rojavayê Kurdistanê
28-Tevgera Guhertina Demokratîk
29-Partiya Yekitiya Suryan
30-Partiya Kombûna Nîştimanî ya Kurdistanê
31-Partiya Demokrata Kurd li Sûriyeyê (Partî)
32-Partiya Yekitiya Demokrat a Kurdî li Sûriye
33-Partiya Çep a Şoreşgerî ya Sûriyeyê
34-Partiya Sûriye
35-Partiya Muhafizkaran a Kurdistanê
36-Partiya Kombûna Demokrat a Sûriyeyê
37-Şepêla Sûrî ya Çeksaziyê
