Ayşa Silêman/ Dêrik
Şêniyên bajarê Dêrikê û gundewarê wê bi dirûşmeya ‘Em newrozê bikin newroza azadiya Rêber Apo û yekîtiya demokratîk a kurdan’ newroza 2026 pîroz kirin.
Şêniyên bajarê Dêrikê û gundewarê wê li qada Şehîd Çîçek a bajarê Dêrikê bi dirûşmeya ‘Em newrozê bikin newroza azadiya Rêber Apo û yekîtiya demokratîk a kurdan’ newroza 2026 pîroz kirin.
Di destpêka şahiya newrozê de hemû hazir xulek bêdeng li ser giyanê şehîdan rawestiyan paş qomîteya amadekar diyar kirin ku ew newroza 2026’an li hemû gelên kurd pîroz dikin û bi taybet li Rêber Apo. Di heman demê de nameya Rêber Apo ji bo cejna newrozê ji haziran re hat pêşkêş kirin û gel bi moralekî bilind lê guhdar kirin.
Di berdewamiya şahiyê de li ser navê Meclisa Malbatên Şehîdan Mihemed Şerîf axivî û wiha got: “Em bi navê Meclisa Malbatên Şehîdan cejna rûmetê li we pîroz dikin, dijmin û dagirker dixwazin vê roja dîrokî winda bikin û bikin wek roja seyrana. Lê dema mirov li dîrokê vegerê û rûpelêbn wê vekê wê nas bike ev roja çawa bûye cejna Newrozê, ev rojeke pîroz û muqedese li gel kurdan ji bo vê rojê bi hezaran xort û keçean xwe di zindanan de kirin agirê kawayê hemdem û bi hezaran ji bo parastina vê rojê canê xwe feda kirin.”
Di heman demê de ji hêla dayîk û bavên şehîan ve agirê newrozê hat pêxistin, di berdewamiya şahiyê de koma Cûdî bi deng û awazê xwe newroz xemiland. Her wiha li ser navê Partiya Yekîtiya Demokrat PYD’ê Foza Yûsiv axivî
û wiha got: “Gelê Dêrika ku bi tu awayî serê xwe ji dagirkeriyê re natewîne newroza we pîroz be, ji vir heya Êmralî bi navê gelê Dêrikê ji Rêber Apo re dibêjin newroza te pîroz be. Di van mehên derbas bûyî de de bi saya şehîdan em gihiştin van rojan, bi berxwedaniyeke mezin li seranserî Rojavayê Kurdistanê çêbû, bi Ziyad û Denîzan dest pêkir û bi Harûn û Hogiran bidawî bû. Di vê dema derbasbûyî de êrişekî mezin li ser gelê kurd li Rojavayê Kurdistanê pêk hat lê bi berxwedaniyeke mezin hat şikandin, em berxwedaniya gelê xwe li herçar parçeyên Kurdistanê silav dikin. Piştî 100 salî li Sûriyayê ev cara yekemîne ku Newroz bû rojeke fermî û li tevahî Sûriyê tê pîroz kirin, ev yek encama berxwedaniya we ye.”
Di berdewamiya şahiya newrozê de koma Avaşîn bi dengê xwe yê hunerî newroz pîroz kirin. Li kêlek wê koma Ava Mezin, Koma Eleftêriya, Koma Koçeratan bi hesên keş û hêviyên mezin Newroz bi dengên xwe xemilandin. Di heman demê de hunermendê bi nirx Hisên Dêrik jî bi riya hunerê Newroz li gel pîroz kir, paşê koma Ava mezin Skêtşek pêşkêş kirin.
Di dawiya şahiya newrozê de gelê dêrikê govend û dîlan gerandin.
