Stêrk Mihemed/Hesekê
Komeke din a ji 300 dîlgirtiyên ku ji aliyê hikumeta demkî ya Sûriyeyê ve hatine girtin ku ji bajarên curbicur ên wekî Hesekê, Qamişlo, Şedadê, Kobanê, Efrîn, Dêrazorê, Reqa û Tebqayê ne, gihîştin bajarê Hesekê.
Di çarçoveya peymena 29′ çileyê de ku di navbera QSD’ û hikumeta demkî ya Sûriyê de hate îmzekirin, benda serke ya pêkanîna peymanê, berdana êsîrên ku dî girtîgehên hikûmeta demkî ya sûriyê de bûn. Heta nîha dû girûbên ku ji 150 û 59 kesan pêk dihat hatin berdan.
Di van kêliyan de şêniyên Hesekê û malbatên dîlgirtiyên wan li cem hikumeta demkî girtî ne komeke din a dîlgirtiyan li Çerxerêya Sebax a bakurê bajêr pêşwazî dikin. Hejmara dîlgirtiyên hatine berdan 300 kes e ku ji bajarên Hesekê, Qamişlo, Kobanê, Efrîn, Dêrazorê, Şedadê û Helebê ne. Ew kes di demên berê yên êrişên hêzên artêşa Tirk a dagirker û çeteyên wê de li dijî herêmên cuda yên Bakur û Rojhilatê Sûriyeyê hatibûn girtin û hin jî di van êrişên dawî de hatine girtin.
Di merasîma pêşwazîkirinê de Parêzgarê Hesekê Nûredîn Ehmed, Cîgirê Fermandarê Ewlekariya Hundirîn ê Hesekê Mehmûd Xelîl û fermandara Asayîşê Nesrîn Ebdullah, digel hejmarek kesayetên herêmî, rûspiyên bajêr û rêvebirên Rêveberiya Xweser amade bûn.
Wê de demê pêş de jî dîlgirtiyên dîtir werin berdan.
