QSD hêza hemû gelên Sûriyê ye

Berdevkê Fermî yê QSD’ê Kîno Gabrîel diyar kir ku rêjîma Sûriyê naxwaze projeya demokratîk ya li Bakurê Sûriyê serbikeve û hewl dide ku di navbera pêkhateyên herêmê de tevlîheviyê derbixe û wiha got: “Bi vê yekê jî dixwaze desthildariya xwe li herêmê bidomîne.”
Kîno Gabriel derbarê daxuyaniyên Serokê Rêjîma Sûriyê Beşar Esed ji ANHA’yê re axivî û da zanîn ku çareseriya leşkerî ji aloziya Sûriyê re ne pêkane û da zanîn ku şer wê hê zêdetir kuştin, derberî û koçberiyê li Sûriyê zêde bike û wiha dewam kir: “Rêjîma Sûriyê naxwaze projeya me serbikeve, lewma tevlîheviyê di nava pêkhateyên Sûriyê de derdixe. Armanca rêjîmê bi vê yekê ew e ku desthildariya xwe li ser gelê herêmê ferz bike.”
Gabrîel da zanîn ku ew daxuyaniyên dijber qebûl nakin û got: “Em daxuyaniyên ku dijberiya QSD’ê dikin qebûl nakin. Em hêzeke Sûriyê ne. Vê rastiyê bi parastina me ya hemû pêkhateyên Sûriyê de xwe nîşan daye.Hêzên me li gelek herêmên Sûriyê şer kir, gelek herêm rizgar kir. “
Berdevkê Fermî yê QSD’ê Kîno Girbraîl di dawiya axaftina xwe de diyar kir hêzên QSD’ê ji hemû pêkhateyên Sûriyê pêk tê û got: “Di nava QSD’ê de xwîna hemû gelê Sûriyê ketiye nava hev. Ev peyamek ji hemû aliyan re ye. Rêjîm ji vê yekê acize lewma hewl dide tevlîheviyê di navbera pêkhateyan derbixe.”