Ayşa Silêman/ Dêrik
Yekîtiya Werzîşê a bajarê Dêrikê ji bo piştgiriya yekîtiya gelê kurd û doza şehîdan bi siloganên ‘Bijî Yekîtiya Gelê Kurd’ meşek li dar xistin.
Yekîtiya Werzîşê a bajarê Dêrikê ji bo piştgiriya yekîtiya gelê kurd û doza şehîdan bi tevlîbûna lîstikvanên sporê ji bajarê Dêrikê û gundewarên wê meşek li dar xistin.
Meş bi moral û hestekî geş ji Qada Azadî dest pê kir û li goristana Şehîd Xebat a bajarê Dêrikê bidawî bû veguherî mîtîng.
Di destpêka gihiştina lîstikvana li Goristana Şehîd Xebat endamên Meclisa Malbatên Şehîdan pêşwaziya wan kir û hemû hazir xulek bêdeng li ser giyanê şehîdan rawestiyan.
Paşê Rêveberê Yekîtiya Werzîşê li bajarê Dêrikê Malik Hesûn anî ziman ku armanca wan ji vê çalakiyê ew e ku yekîtiya gelê kurd xurt bikin û dest bidin hev, da ku bikaribin welatek azad û serbixwe ava bikin.
Di berdewamiya mîtîngê de jî Hevserokê Meclisa Malbatên Şehîdan Felemez Hemo da zanîn ku ew serbilindin bi ciwanên pêşerojê û wiha got: “Goristana Şehîd Xebat xwedî taybetmendiyeke cûda ye ji ber ku hemû cûreyê netewan cihê xwe têde girtiye. Em hemû serbilindin bi şehîdên xwe ku bi saya wan îro roj em gihiştine vê rojê. Em yekîtî û yek rêziya gelê kurd silav dikin û em ê heya dawiyê têkoşîn û berxwedaniya van şehîdan berdewam bikin.”
