Lîloz Hisên/Qamişlo
Malbatên dîlgirtiyan ji bo berdena zarokên xwe li pêşiya avahiya Neteweyên Yekbûyî çalakî lidar xistin û banga berdana zarokên xwe ji zindanên hikumeta demkî kirin.
Bi dehan ji malbatên şervanên QSD’ê yên ku di encama êrişên hikumeta demikî ya Şamê dîl hatine girtin, li pêşiya avahiya Neteweyên Yekbûyî ya bajarê Qamişlo dîsa çalakî li dar xistin bi armanca gihaştina dengê wan ji bo tevahî cîhanê û berdana zarokên wan.
Di çalakiyên de pankartên li ser nivîsên “Îro dengê me ji bo wan e, em dîlgirtiyan ji bîr nakin heta ku vegerin malên xwe”, “Demildest divê dîlgirtî werin berdan” herwiha wêneyên dîlgirtiyan hatin hildan.
Di çalakiyê de dayikan bi dilên şewat banga berdana zarokên xwe kirin, herwiha diyar kirin ku ew ê her dem çalakiyan li dar bixin heta ku hemû girtî û zarokên wan ji zindanên hikumeta demkî werin berdan û dê çalakiyên xwe bidomînin.
Di çalakiyê de hate gotin ku ev zêdetirî mehekê ye çarenûsa zarokên wan ne diyar e di heman demê de daxwaza diyarkirina çarenûsa dîlgirtiya kirin da ku berî cejna Remezanê bighêjin nava malbat û zarokê xwe.
Hêjayî gortinê ku ev demekê ye ku malbatên dîlgirtiyan banga berdana zarokên xwe dikin, lê tu bertek ji aliyê hikumeta demkî dernakeve û cîhan jî çavên xwe li hember wan girtine.
