Solîn Mihemed/ Qamişlo
Dayika bi navê Hemda Cedian dayikeke ku her roj berê xwe dide bazara bajarê Qamişlo da ku rûnê Erebî bifiroşe û debara jiyana xwe pê bikin.
Ji ber rewşa zehmet ya jiyanê dayika bi navê Hemda Cedian diçe bazara bajarê Qamişlo û rûnê Erebî difiroşe. Ji dema ku hevjînê wê jiyana xwe ji dest daye wê berê xwe daye kar da ku debara jiyana xwe bikin. Dayika bi navê Hemda Cedian tevî pênc zarokên wê jî lê ew tenê di mal de kar dike û her roj berê xwe dide bazara bajêr.
Çîroka dayika bi navê Hemda Cedian
Dayika bi navê Hemda Cedian ew ji gundê girê Ebid Elezîz e. Ew jineke ku temenê wê zêdeyî 50 î salî ye. Jineke ku her tim diçe bazarê rudine da ku rûnê Erebî bifiroşe û debera jiyana xwe bikin. Ew di malbatê de ji 7 kesan pêk dihatin. Lê hevjînê wê jiyana xwe ji dest da, niha tenê 6 kes di malbatê de mane. Her 5 zarokên wê kar nakin tenê ew bi wî temenê xwe yê mezin diçe bazarê û kar dike. Rûnê Erebî yê ku difiroşe jî ne rûnê wê ye. Rûnê dayikeke ku ji gundê wan e, ji ber rewşa wan ya madî gelekî lawaze rûn têne bazara mezin ya li bajarê Qamişlo da ku jê re bifiroşe û heqdestê xwe bigire dest. Dayikeke ku nêviyê roja xwe li bazarê dibe, da ku milet rûn jê bikire û vegere malê ba zarokên xwe.
Rûnê Erebî yê bi bihaya 50 hezarî heya 70 ê hezarî ji wê dayikê re difiroşe û 50 hezarî heqdestê xwe dibe. Ji ber Heqdestê wê 50 hezare gelekî zehmetiyan dibîne ji ber ku têrî wan nake. Tiştekî wan tune ye ew dixwaze kar bike da ku debara jiyana xwe bikin. Ji dema ku hevjînê wê jiyana xwe ji dest daye ew tê bazarê û kar dike.
Zehmetiya jiyana dayikê
Ew di jiyaneke pir zehmet de derbas dibin. Her tim ji gund berê xwe dide bazara bajêr da ku wî rûnê Erebî bifiroşe. Ew Heqdestê ku distêne jî nîvê wê li çûn û hatina xwe dide heya ku dighêje bazarê. Dema ku ji bazarê jî vedigere malê tenê 30 hezar pêre dimîne. Ji ber çûn û hatina sûkê jî ne zêde ew demeke direj heya seat 3 yan jî 4 an dimîne. Gelek caran li bazarê dimîne û milet jê rûn nakirin. Paşê bi wê êşa xwe ya ku li bazarê mabû bi dilekî xemgîn vedigere malê. Ew weke her dayikekê dixwaze li gel zarokên xwe li mal bimîne lê ji ber rewşa wan ya xizan ew neçar e û kar dike. Bihaya ku di rojê de 30 hezarî distîne têre kelûpelên wan yên xwarinê nakin.
