Navenda Nûçeyan
Alîkariya madî ya Xelkê navçeya Xurmatû ku 80 hezar dolar bû, li koçberên li bajarê Qamişloyê hate belavkirin.
Xelkê navçeya Xurmatû ya Başûrê Kurdistanê ji bo alîkariyê bi koçberên li Rojavayê Kurdistanê re bike, 80 hezar dolar kom kiribûn. Komeke çalakvan û xwebeşan ên ji Xurmatûyê bi armanca belavkirina alîkariyan derbasî Rojava bûn.
Tê payîn ku zêdetirî 500 malbatên koçber ên li Qamişloyê bi cih bûne, sûdê ji alîkariyê wergirin.
Berpirsên li ser xebatên belavkirinê disekinin, diyar kirin ku ev pêngav di çarçoveya berpirsyariya civakî, neteweyî û xurtkirina hevgirtinê de hatiye lidarxistin. Her wiha anîn ziman ku ewê alîkariyan ji bo koçber û mexdûran bidomînin da ku êşên wan sivik bikin.
Di encama êrişên komên hikumeta demkî de bi hezaran malbat koçber bûne. Hejmareke mezin a koçberan ku li dibistan û avahiyên perwerdeyê bi cih bûne, di rewşek zehmet de dijîn.
