Ayşa Silêman/ Dêrik
Çar kamyonên ku alîkariya mirovî hildigirtin, ku ji hêla werzişvan û kesayetên ku piştgiriyê didin doza Kurd ve hatine bexşandin, ji bo piştgiriya mirovên koçber ên di stargehan de û dabînkirina pêdiviyên wan ên bingehîn, ketin Rojava.
Alîkarî, ku ji hêla lîstikvanê berê yê Amedsporê Deniz Naki, siyasetmedarê alman Tobias Hoch û Kawa Elî, neviyê Qazî Mihemed ve hatî bexşandin, bi qasî 5,000 selikên xwarinê û pêlîstok ji bo zarokan pêk dihat.
Belavkirin û gihandina vê alîkariyê ji aliyê Deniz Naki û Tobias Hoch ve tê birêvebirin, ku ew bi karwanê re çûn Rojava. Ev alîkarî ji wan 3 kamyon ber bi Qamişlo ve çûn û kamyonek bi alîkariya Meclisa Malbatên Şehîdan derbasî bajarê Dêrikê bû. Destpêkê li 220 malbatên Efrînî yên ku nû berê xwe dabûn Dêrikê û li kampa Newroz bicih dibûn li wan wê were belav kirin. Di heman demê de wê beşek ji van alîkariya li malbatên şehîdan ên Efrînî ku cihê xwe li Dêrik û gundewarên wê digirin jî, wê were belav kirin. Li kêlek wê hin malbatên şehîdan ên ku ji şêniyên bajarê Dêrikê yên ku rewşa wan ya madî nebaşe wê were belav kirin.
