Navenda Nûçeyan
Ji ber dorpêça ku 27 rojin ji aliyê çekdarên Şamê û dewleta Tirk ve xistine li ser Kobanê, zarokek din yê 12 ji dest da.
27 rojin bajarê Kobanê yê Rojavayê Kurdistanê di jêr dorpêça komên çete yên girêdayî hikûmeta demkî ya Şamê û dewleta Tirk de ye. Ji ber dorpêçê her ku diçe rewşa mirovî zehmet dikeve.
Komên ser bi Hikumeta Demkî ya Şamê ji 20’ê Çileyê û vir ve dorpêç danîne ser Kobanê. Li qada tenduristiyê gelek nexweşan tedawiya xwe li derveyî Kobanê dewam dikirin. Yek ji wan jî Dildar Rêzan Hiso yê 12 salî bû.
Malbata Dildar Hiso ew demeke dirêj bû li nexweşxaneya El Camiî ya Helebê ew tedawî dikirin. Piştî 26 rojan ji dorpêçê laşê Dildar êdî nema tehemul dikir, diviyabû derbasî Helebê bûbane. Doh Dildar Hiso ji ber nexweşiya xwe ya romatîzmayê li nexweşxaneya Kobanê wefat dike.
Li gorî agahiyên malbata wî dektorê tedawiya Dildar dike li Helebê ye, dikarîbû wî derman bike û ew wefat neke. Ji ber dorpêça li ser Kobanê û qutbûyîna rêya di navbera Kobanê û Helebê malbatê nikarîbû Dildar derbasî Helebê bike.
