Erdal Avrîn
Cih, Zeman û zanabûn.Ev sê têgeh di îspatkirina hebûna mirov de ristekî girîng dilîzin. Mirov heyina xwe ya civakî, çandî, polîtîk û azad li ser vê hebûnê aşkere dike. Cihê kûrdan erdnîgariya Kurdistanêye û dîroka wê heyanî serdema Neolîtîkêye. Lewma Rêbertî gotibû dîrok di roja me ya îroj de veşartiye û em jî di destpêka dîrokê de veşartîne.
Hebûn bi xwe gihandina nasnameya Azadiyê û heyina xwe îspat dike. Azadî li ser nasnameya polîtîk û bîrdozî tê înşakirin. Nasnameya polîtîk jî li ser nasnameya civakî tê înşakirin. Rejîma zanyariyê wisa pêk tê.
Şoreşa azadiyê di 52 salên xwe yên têkoşînê de nasnameya Kurd ya civakî îspat kiriye. Li ser vê zanyariya civakî zanyariya polîtîk pêk aniye. Nasnameya azadiyê li ser Van herdû zanyariyan çêdibe. Şoreşa Rojava qada înşa û xwe bi sazkirina vê nasnameyê ye kû xwe wek modêla Civaka Demokratîk raber kiriye. Êrîşa navdewletî ya li ser Rojava êrîşa vê pergalêye. Êrîşa ser hevgirtina Civaka Kurd, Ereb, Tirk, Tirkmen, Asûrî û hemû nasnameyên çandî olî û mzhebî yên ku li Sûriyê dijîn tê meşandin û armanca vê yekê derxistina şer û pevçûnan di navbera gelan de ye.
Siyaeta ku tê meşandin dewama komploya 9’ê Cotmeha 1998’an e. Kompilo armanca wê qirkirina gelê Kurd e, herwiha tasfiyekirina şoreşa Rojava ye.
Li hemberî komplo û destwerdanên hêzên navnetewî û heremî pêwîste hemû pêkhate û netewên heyî bibin yek û nehêlin ku tu alî û hêz di navbera gelan de dijatiyê derxînin holê.Gerek aşîtî û civaka Demokratîk ya li Rojava bê parastin û em bi hevre hemû planên ku li ser heremê têne hûnandin valederxînin. Ji ber vê yekê em neşibin dewletên çete û hêzên paramîlîter û gotin û kirinên wan yên derexlaqî û mirovî yên ku têne meşandin. Em tucarî nabin neteweperest û nijadperest û emê xwedî li paradîgma Neteweya Demokratîk derkevin, ji ber ku ev paradîgma Nasnameya Rejîma Heqîqeta Rêbertiyê ye.
