Lîloz Hisên/Qamişlo
Komeke çalakvanên Kurd bi diruşma “Peyamek spasiyê ji bo gelê me yê Kurd li hundir û derveyî welêt û ji bo rakirina dorpêça li ser Kobanê” çalakiyekê, li kêlek Stadyûma Şehîdên 12ˊê Adarê ya bajarê Qamişloyê li dar xistin.
Bi aramanca rakirina dorpêça li ser Kobanê ku ji hêla hikumeta demikî ya Şamê û çekdarên girêdayî wê ve hatiye ferzkirin, spasiya kes û aliyên ku alîkarî ji bo gelê Rojava yên ku ji malên xwe koçber bûne, komeke ji çalakvanên Kurd çalakiyek li dar xistin.
Di çalakiyê de alên Kurdistanê û pankartên li ser nivîsên ku banga rakirina dorpêçê li ser Kobanê û daxwaza danîna mafên gelê kurd di destûra Sûriyê û nameyên spasiyê de hatin hildan.
Di çalakiyê de gotin hatin kirin, tê de di destpêkê de spasiya cenabê Serok Mesûd Berzanî, dezgehên ragihandinê bi giştî, gelê Kurd li Ewropayê û hemû cîhanê ku piştgiriya gelê Rojava kirin. Di heman demê de silav ji bo şervanên Kurd yên ku di çeperên şer de ji bo parastina gelê Kurd dikin hat kirin, herwiha spasiya Fermandarê giştî yê Hêzên Sûriya Demokratîk Mezlûm Ebdî hat kirin ji ber rola wî ya girîng di pêşîgirtina rijandinê xweîna gelê Kurd.
Gotinan ji hikûmeta demkî ya Şamê xwest ku mafên gelê Kurd di destûra Sûriyê de bê misogerkirin, herwiha hat destnîşankirin ku gelê kurd li ser xaka xwe ya dîrokî dijî.
Di dawî de gotinan daxwaza Sûriyele demokratîk nenavendî û pirrengî ji bo hemû pêkhateyên Sûriyê kirin.
Komek çalakvan çalakiyek peyama spasiyê ji bo gelê kurd li darxist
