Asya Waşûkanî
Dema ku em şoreşa Rojava dinirxînin em dibînin ku, şoreş xwedî roleke xwe ya wijdan û exlaqê mirovahiyê ye! Gelê Kurd bi fikir û felsefa Rêber Apo fêr bû ku gelekî, bindeste û welatê wî jî dagirkiriye. Tekez wê welat, gel û jin jî bi fikir û felsefa Rêber Apo, rizgar bibin û wê welatê me bibe weke bihiştê. Ji niha û pêde jî her çi dibe bila bibe wê tevahî xaka me, Kurdistan bi destê me were rizgar kirin û wê ti kes jî nikaribe, li pêşiya wê bibe asteng û paşde vekişîne. Wê hew kes bikare bi qedera gelê Kurd bilîze. Ji ber ku êdî gelekî xwe naskiriye û haj siyaseta dagirkeran heye. Nexasim kesên ku ji siyaseta dagirkerên biyanî bûne weke hutê dev vekirî û tenê, gelan dadiqurtîne. Volqana şoreşê wê dagirker û xayînan di nava pêlên xwe de bifetisîn e. Weke ku têye zanîn şoreşa Rojava bi mohra jinê hatiye hûnandin, îro jinan ciyê xwe di refên herî pêşiyê de girtin û rola xwe jî pir baş leyîstin û pêşengtî kirin. Herçiqasî ezmûna şer ya jin û ciwanan di şerê bajaran de kêm be jî, lê di nava şer de pijiyan û bi wêrekî û qehremanî şer kirin, di gelek ciyan de mêran sengerên xwe berdan lê jinan, li berxwedan û şer kirin. Jinên weke Warşîn Dêrik, Nûda Urfa, Sozdar Dêrik, Hêvîdar Dêrik, Rêvan Kobanê, Arîn Mîrkan; Avesta Xabûr û Barîn Kobanê û bi sedan rêhevalên weke wan canê xwe kirin mertal.Têkoşîn û berxwedana wan şêre jinan bi kelecan û coşeke mezin çûna şehadetê bandora xwe li ser mêrxasan jî kir û hemûyan bi hevre mil bi mil di sengerên şerê dijwar de şer kirin û warê xwe ji destê tundrewên herî xeternak rizgar kirin. Keç û xortên Kurdistanê bi lehengî şer kirin û bûn abîdeyên lêgerên jiyana birûmet, wekev û azad. Wan jinên çeleng bi wêrekî, bawerî û bi vîneke pir xurt cesaret dane ciwanan û mil bi mil di heman sengerê de li hemberî wan çetên dirinde, şer kirin û liberxwedan. Bi wê hêza jin û mêran a hevgirtî bi lehengî, li her devera Rojava û Bakur û Rojhilatê Sûriyê şer û berxwedanî hate kirin.
Gerek were zanîn ku tu hêzê û di navê de hêzên yekgirtî yên Emerîka jî bêyî qehreman û çelengên YPJ ê û YPG’ê nekarîn gavekê bavêjin û hîna jî wiha ye û gerek gelê me serê xwe bi vê yekê bilind bikin û li ser şêre jin û mêrxasên xwe destanan xêz bikin. Tekez gerek gelê Rojava û gelên Bakur û Rojhilatê Sûriye, wan jinên wêrek û serhildêr tevî wan xortên çeleng û şerê wan ê rûmetê qet ji bîra neke û xwedî lê derkeve. Di heman demê de li ked û têkoşîna Rêber Apo ya 19 salan xwedî derkeve û wê têkoşînê berdewan bike. Rêber Apo gelê Kurd fêr kir ku wê çawa xwedî li xwe derkeve û têkoşîneke wijdanî û exlaqî bimeşîne.
Îrojî em berhema wê hizrîna wijdanî û exlaqî di têkoşîn û hewildana, gelê Kurd li Rojava û gelên Bakur û Rojhilatê Sûryeyê dibînin û em hemû jî dizanin bê ka çawa roj bi roj pileya yekitî, xwişk û biratiya gelan bilind dibe û bandora xwe li ser tevahî gelên cîhanê jî dike. Bi fikir û ramanê Rêber Apo fikir û felsefa jiyana wekhev û azad berbelavê tevahî mirovahiyê dike.
Herçiqasî gelê me yekgirtî be wê ewqasî jî bandora xwe, li ser gelên hawîrdor jî bike û wê rêkê li pêşiya xwişk û biratiya gelan veke û Rêber Apo rola pêşengtiya yekîtiya gelan daye, gelê Kurd û têkoşîn û xebat tenê dikare xwedî li keda Rêber Apo derkeve. Careke din gerek her kes zanibe ku Rêber Apo dibêje: Ez ti tiştekî ji kesî naxwazim û bera ti kes xwe ji bo min feda neke û ez jî erkê xwe yê Rêbertiya gelê xwe pêktînim; lê gerek her kes jî bizane ku 52 sale ku ez li ser pira selatê dimeşim û ger kî ji we li şûna min baya wê 10 rojan jî liberxwe nedaba. Em hemû jî vêya dizanin, lê me xwe bêdeng kiriye û çavê me jî weke çavê lawiran mest bûye û weke ku em nabînin û ev jî şermeke pir mezine û nabe ku em xwe wiha bikin û rola 3’ê meymûnan bilîzin.
Ger ku ji van gotinên Rêber Apo were famkirin wê gelekî baş be, ji ber ku Rêbertî me rexne dike û di heman demê de; rêya têoşînê jî nîşanî me dide û dibêje: Gerek mirov li hemberî keda mirovan bi hurmet be û di nava heqîqetê de jî kûrbibe. Beriya wê jî Rêber Apo ji me re gotiye fikir, zikir û çalakî ku ew jî wateya xwe wiha ye mirov xwedî aqil û hişe û gerek wî hişê xwe bikar bîne û nasbike. Rêber Apo” dibêje Min ji xwe de destpê kir û ez rojê 20 katjimêran kar û xebat, dikim û dem dema xebatê ye’ ji xwe hûn ji dervene û xwedî derfetin û gerek hûn xebateke pirxurt bikin”.
